कहिले हाेला प्रदेश १ काे न्वारन ?
- गाउँ सहर संवाददाता
- ४ माघ मंगलबार, २०७८ | १३:००:०० मा प्रकाशित
विराटनगर । मुलुक संघियतामा गएपछि सात प्रदेश बने । सातवटै प्रदेश एकसाथ स्थापना भए । तर प्रदेशहरूकाे नाम र स्थायी राजधानी पाउन लामै रस्साकस्सी गर्नुपरिरहेकाे छ ।
प्रदेश सरकार गठन भएको झण्डै चार वर्ष पूरा भएको छ । पाँच वर्ष कार्यकाल भएको प्रदेशसभाले अबको बाँकी १३ महिनाभित्र नामकरणको विषय टुङ्ग्याउन नसके प्रदेशको नाम राख्न नसकेको असफलताको भारी बोक्नुपर्ने हुन्छ ।
सातमध्ये ६ वटा प्रदेशले प्रदेशको नामकरण टुङ्ग्याइसकेका छन् । सोमबारमात्र प्रदेश २ ले पनि प्रदेशसभाबाट प्रदेशको नाम ‘मधेस’ पारित गरेको छ । अझै प्रदेश १ ले भने अहिलेसम्म नाम पाउन सकेको छैन ।
सातवटै प्रदेशमध्ये ६ वटाले नामाकरण गरिसकेपछि प्रदेश १ सरकारलाई दबाब बढेको छ । प्रदेश १ को राजधानी विराटनगर कायम भइसकेकाे छ तर न्वारन हुन सकेकाे छैन ।
दलहरुबीच सहमति नबन्दा नामकरण थाँती रहँदै आएको छ ।
प्रदेशले चार वर्षमा तीन मुख्यमन्त्री पाइसक्याे तर एक थान नाम पाउन सकेकाे छैन । यसअघिका दुई मुख्यमन्त्रीमध्ये शेरधन राईको पालामा प्रदेशको स्थायी राजधानीबारे टुङगो लागे पनि नामकरण हुन सकेन । दोस्रो मुख्यमन्त्री भीम आचार्यको कार्यकाल पनि त्यसै बित्याे । हाल पाँच दलीय गठबन्धनको सरकार छ । राजेन्द्र राई तेस्रो मुख्यमन्त्री छन् ।
मुख्यमन्त्री राजेन्द्र राई नेतृत्वको सरकारमा नेपाली काँग्रेस, नेकपा माओवादी केन्द्र, नेकपा एकीकृत समाजवादी, जनता समाजवादी पार्टी नेपाल र संघीय लोकतान्त्रिक राष्ट्रिय मञ्च छन् ।
प्रदेशको नाम भूगोल, पहिचान कि सभ्यताको आधारमा राख्ने भन्नेबारे गठबन्धनभित्रै नामका बारेमा मतभिन्नता छ ।
प्रदेशको नामकरण प्रदेशसभाको दुई तिहाई बहुमतबाट पारित हुनुपर्ने संवैधानिक प्रावधान छ ।
प्रदेशको नामका विषयमा भूगोलका आधारमा कोसी, सगरमाथा, त्यसैगरी बहुपहिचानको आधारमा कोसी किरात लगायतका नाम चर्चामा रहँदै आएका छन् ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- प्रधानमन्त्रीसँग सांसदहरूको सवाल-जवाफ (लाइभ)
- फेरिए ११ जिल्लाका सीडीओ, अध्यागमन विभागको महानिर्देशकमा निरौला
- शिक्षकहरुको अन्तरजिल्ला सरुवा रोकियाे
- निसीखोला बस दुर्घटना अपडेट : मृतकको संख्या ९ पुग्यो, २८ जना घाइते
- आइएमई पे एप मार्फत रिफन्डेबल टिकट प्रयोगकर्ताको संख्यामा उत्साहजनक वृद्धि
- बागलुङमा बस दुर्घटनामा ७ जनाको मृत्यु
- अनुसन्धान गर्न महरालाई ४ दिन हिरासतमा राख्न अदालतकाे अनुमति
- इलाम-१ मा उपनिर्वाचनका लागि यी २० दल भए दर्ता
- धरौटीमा छुटे सुन तस्करी प्रकरणमा पक्राउ परेका गुरुङ
- दुर्गा प्रसाईँका सुरक्षा गार्ड पक्राउ, साथबाट हतियार र सय राउण्ड गोली बरामद
प्रतिकृया दिनुहोस