स्थानीय तहको निर्वाचन समयमै सम्पन्न हुन्छ,संविधानमा जे व्यवस्था छ त्यसै अनुसार हुन्छ : प्रवक्ता कार्की

१९ मङ्सिर-२०७९-सोमबार

राजनीति

स्थानीय तहको निर्वाचन समयमै सम्पन्न हुन्छ,संविधानमा जे व्यवस्था छ त्यसै अनुसार हुन्छ : प्रवक्ता कार्की

गाउँ सहर संवाददाता
४ माघ मंगलबार, २०७८ | १३:१५:०० मा प्रकाशित

काठमाडाैं । सरकारका प्रवक्ता ज्ञानेन्द्रबहादुर कार्कीले स्थानीय तहको निर्वाचन सम्पन्न हुने बताएका छन् ।

मंगलबार समन्वय समितिको बैठकपछि पत्रकारहरुसँग कुरा गर्दै उनले संविधान अनुसार समयमै निर्वाचन सम्पन्न हुने कुरामा जोड दिएका छन् । ‘स्थानीय तहको निर्वाचन समयमै सम्पन्न हुन्छ,’ उनले भने, ‘संविधानमा जे व्यवस्था छ । त्यसै अनुसार हुन्छ ।’

संविधानमा कार्यकाल समाप्त भएको ६ महिनाभित्र निर्वाचन गरिसक्नुपर्ने व्यवस्था छ । निर्वाचन आयोगले वैशाखमै निर्वाचन गर्नुपर्ने बताउँदै आएको छ । एमाले लगायत दलहरुले पनि वैशाखमै गर्नुपर्ने अडान राखेका छन् । तर सत्ता गठबन्धनका दलहरुले फरकफरक धारणा राख्दैँ अाइरहेका छन् ।