गाउँ सहर

बालिकाको पेटमा बच्चा, शिक्षक प्रहरी नियन्त्रणमा

काठमाडाैं । १४ वर्षीय बालिकालाई बलात्कार गरी गर्भवती बनाएको आरोपमा एक शिक्षक पक्राउ परेका छन् ।बलात्कारको अभियोग लागेपछि खोटाङमा शिक्षक पक्राउ परेका हुन् । १४ वर्षीय बालिकालाई बलात्कार गरी गर्भवती बनाएको आरोपमा रावाबेँसी गाउँपालिका २ का ३१ वर्षीय शिक्षक किशोर पोखरेल पक्राउ परेकाे प्रहरीले जानकारी दिएकाे छ । 

भाषा आधारभूत विद्यालयमा कार्यरत पोखरेललाई उदयपुरको इलाका प्रहरी कार्यालय रामपुरले पक्राउ गरेको जनाएकाे छ । छोरीलाई बलात्कार गरेको भन्दै पीडितका बुवाले गत बिहीबार उजुरी दिएका थिए । सोही आधारमा आरोपित शिक्षक पक्राउ परेको जिल्ला प्रहरी कार्यालय खोटाङले जनाएको छ ।

स्वास्थ्य परीक्षणका क्रममा बालिकाको पेटमा २० हप्ताको गर्भ रहेको खुलेको छ ।

उनलाई सात दिनको म्याद थप गरी अनुसन्धान सुरु गरिएको प्रहरीले बताएकाे छ ।

गाउँ सहर संवाददाता