अर्थतन्त्र

८.५ प्रतिशत ब्याज दरमा एभरेष्ट बैंकको २ अर्ब रुपैयाँ बराबरको ऋणपत्र सोमबारबाट जारी

• गाउँ सहर संवाददाता
• ३ माघ सोमबार, २०७८ | ०९:१०:०० मा प्रकाशित

 

काठमाडौं । एभरेष्ट बैंकले सोमबारबाट ऋणपत्र जारी गरेको छ । बैंकले २०८६ मा परिपक्व हुने ऋणपत्र जारी गरेको हो ।

बैंकले ८ वर्ष अवधिको ऋणपत्र जारी गरेको हो । ऋणपत्र ६ गतेसम्म खरिद गर्न पाइने छ । त्यो समयभित्र बिक्री नभए १७ गतेसम्म बिक्रीमा राखिने छ ।

बैंकले नयाँ ऋणपत्रमा वार्षिक ब्याज ८.५ प्रतिशत दिने छ । बैंकको यो दोस्रो ऋणपत्र हो । यसअघि २०७९ मा परिपक्व हुने ऋणपत्र जारी गरेको थियो ।

बैंकले एक हजार रुपैयाँ अंकित दरका २ अर्ब रुपैयाँ बराबरको ऋणपत्र जारी गरेको हो । २० लाख कित्तामध्ये ६० प्रतिशत अर्थात १२ लाख कित्ता व्यक्तिगत तवरबाट बिक्री गरिने छ । बाँकी ८ लाख कित्ता सर्वसाधारणलाई बिक्री गरिने छ ।