स्वास्थ्य

काठमाडाैं उपत्यकामा देखियाे काेराेनाकाे सबैभन्दा उच्च जाेखिम, आजै थपिए २६०७ संक्रमित

• गाउँ सहर संवाददाता
• ३० पौष शुक्रबार, २०७८ | १६:३९:०० मा प्रकाशित

काठमाडाैं । दिनहुँ काेराेना संक्रमितकाे संख्या बढ्ने क्रम जारी छ । जसमध्ये पनि काठमाडाैं उपत्यकामा सबैभन्दा बढि संक्रमित थपिइरहेका छन् । जसले गर्दा काठमाडाैं उपत्यका तीन जिल्ला काठमाडाैं, भक्तपुर र ललितपुर उच्च जाेखिममा परेकाे छ । 

पछिल्लो २४ घण्टामा काठमाडौं उपत्यकामा २ हजार ६०७ जनामा कोरोना भाइरसको संक्रमण पुष्टि भएको छ ।

स्वास्थ्य मन्त्रालयका अनुसार काठमाडौंमा १ हजार ९१३, भक्तपुरमा ३१७ र ललितपुरमा ३७७ जना संक्रमित थपिएका छन् ।

पछिल्लो २४ घण्टामा देशभर ५ हजार ८७ जनामा कोरोना भाइरसको संक्रमण पुष्टि भएको छ भने संक्रमणका कारण तीन जनाको मृत्यु भएको छ ।

हाल देशभर १८ हजार २३५ सक्रिय संक्रमित रहेका छन् ।