गाउँ सहर

अवैध चाँदीका गहनासहित एक युवक प्रहरी नियन्त्रणमा

काठमाडाैं । अवैध चाँदीका गहनासहित प्रहरीले एक जनालाई नियन्त्रणमा लिएकाे छ । जनकपुर उपमहानगरपालिका ५ बाट करिब ७ लाख ८३ हजार २ सय ९८ रुपैयाँ बराबरको ९ किलो ७ सय ६७ ग्राम अवैध चाँदीका गहना र नगद १ लाख १२ हजार ६ सय रुपैयाँ सहित सुनसरी ईटहरी उपमहानगरपालिका ५ शिवालय टोल बस्ने ३० वर्षीय कुमार खातीलाई सोमबार दिउँसो प्रहरीले पक्राउ गरेको जानकारी दिएकाे छ ।

जिल्ला प्रहरी कार्यालय धनुषाबाट खटिएको प्रहरीले प्रदेश नम्बर १-०२-०४५ प ८२७ नम्बरको मोटरसाइकललाई जाँच गर्ने क्रममा खातीको पिठयूमा बोकेको झोलामा लुकाई राखेको अवस्थामा उक्त गहना सहित फेला पारी मोटरसाइकलमा सवार उनलाई पक्राउ गरेको जनाएकाे छ ।  

खातीलाई आवश्यक कारवाहीका लागि भन्सार कार्यालय जनकपुर पठाइएको जिल्ला प्रहरी कार्यालय धनुषाले बताएकाे छ ।  

गाउँ सहर संवाददाता

तपाईँको मत