स्वास्थ्य

ओमिक्रोनसँगै नयाँ भेरियन्ट फेला पर्याे

• गाउँ सहर संवाददाता
• २६ पौष सोमबार, २०७८ | १०:४८:०० मा प्रकाशित

एजेन्सी । कोभिडको नयाँ भेरियन्ट फेला परेको छ ।  साइप्रसमा कोभिडको नयाँ भेरियन्ट फेला परेको हाे । डेल्टा र ओमिक्रोन मिश्रित सो भेरियन्टलाई वैज्ञानिकहरुले डेल्टाक्रोन नाम दिएका छन् । डेल्टाक्रोनबाट २५ जना संक्रमित भएका छन् । उनीहरुमध्ये ११ जनाको अस्पतालमा उपचार भइरहेको छ ।

अहिले साइप्रसमा ओमिक्रोन र डेल्टाको मिश्रित संक्रमण देखिएको युनिभर्सिटी अफ साइप्रसका प्राध्यपाक तथा लेब्रोटरी अफ बायोटेक्नोलोजी एन्ड मोलिकुलर भाइरोलोजीका प्रमुख लियोडियोसले जानकारि दिएका छन् ।

कोभिड संक्रमणका कारण अस्पताल भर्ना भएका विरामीमा नयाँ संक्रमण दर बढ्दो छ । यही ७ जनवरीमा डेल्टाक्रोनका २५ सिक्वेन्स जीआइएसएआईडीमा पठाइएको थियो । जीआइएसएआईडी एउटा अन्तर्राष्ट्रिय डाटावेस हो, जसले भाइरसको परिवर्तन पत्ता लगाउँछ ।

नयाँ भाइरसबारे विज्ञहरुले थप अनुसन्धान गरिरहेकाे बताएका छन् ।