राजनीति

माओवादी महाधिवेशन : समूहगत छलफलको निष्कर्ष प्रस्तुत हुँदै

काठमाडाैं । माओवादी केन्द्रको आठौँ महाधिवेशन अन्तर्गत पार्टी अध्यक्ष पुष्पकमल दाहाल ‘प्रचण्ड’ले पेश गरेकाे राजनीतिक प्रतिवेदनमाथि समूहगत छलफलको निष्कर्ष प्रस्तुत हुँदैछ ।

काठमाडौंको कमलादीस्थित प्रज्ञा भवनमा बुधबार दिउँसो १ बजे समूहका प्रमुखले समूहगत छलफलको निष्कर्ष प्रस्तुत हुन लागेकाे प्रेस सेन्टर, नेपालका अध्यक्ष विष्णु सापकाेटा 'जुगल'ले जानकारी दिएका छन् ।

प्रत्येक समूह प्रमुखलाई प्रस्तुतिका लागि १५ मिनेटको समय दिइएको उनले बताए । आठौँ महाधिवेशन अन्तर्गत बन्दसत्रको पहिलो दिन सोमबार अध्यक्ष प्रचण्डले ‘२१ औँ शताब्दीको समाजवादको नेपाली बाटो’ शीर्षकको वैचारिक तथा राजनीतिक दस्तावेज पेश गरेका थिए ।

साथै, स्थायी समिटी सदस्य देवप्रसाद गुरुङले विधान मस्यौदा प्रस्तुत गरेका थिए । यसका लागि मंगलबार समूहगत छलफलका लागि समय छुट्याइएको थियो ।

गाउँ सहर संवाददाता

तपाईँको मत