विश्व

डुंगामा आगलागी हुँदा बंगलादेशमा ३७ जनाको मृत्यु

एजेन्सी । डुंगामा आगलागी हुँदा कम्तीमा ३७ जनाको मृत्यु भएको छ ।  बंगलादेशको सुगन्धा नदीमा यात्रु बोकेको डुंगामा आगलागी हुँदा कम्तीमा ३७ जनाको मृत्यु भएको हाे । उक्त दुर्घटना झलकोटी जिल्लामा भएको हो । बरिसालका डिभिजनल कमिश्नर सैफुल हसनले घटनाको पुष्टि गरेका छन् । उनका अनुसार मृतकको संख्या अझै बढ्न सक्ने देखिन्छ ।

‘एमभी अभियान’ नामको डुङ्गा राति ढाकाबाट बरगुना जान लागेको सैफुल हसनले जानकारि दिएका छन् । झलकोटी जिल्ला पुग्ने क्रममा सुगन्धा नदीमा रहेको डुंगाको इन्जिनमा बिहान आगलागी भएको थियो । घाइतेहरुलाई बारिशाल सदर अस्पताल र स्थानीय अस्पतालमा भर्ना गरिएको र उद्धार कार्य जारी रहेको जनाइएकाे छ ।

आगलागी कसरी भयो भन्ने बारे अधिकारीहरूले अहिलेसम्म कुनै जानकारी दिएका छैनन् । झलकोटीका एक स्थानीय बिहान ३ः३० बजे डुंगामा आगलागी भएको जानकारी प्राप्त भएको बताएका छन् । धेरै यात्रुले ज्यान जोगाउन नदीमा हाम फालेका छन् । डुंगामा क्षमताभन्दा बढी यात्रु रहेको बताइएको छ । 

गाउँ सहर संवाददाता

तपाईँको मत