संसद अधिवेशनबाट एमसिसी चाँडो अनुमोदन गर्न नेपाललाइ पुनः आग्रह
- गाउँ सहर संवाददाता
- १ पौष बिहीबार, २०७८ | ११:०८:०० मा प्रकाशित
काठमाडौँ । अमेरिकाको मिलेनियम च्यालेन्ज कर्पोरेसन (एमसिसी) ले नेपाललाई प्रस्तावित एमसिसी सम्झौता छिटो पारित गर्न फेरी आग्रह गरेको छ ।
गत मंगलबार अमेरिकाको राजधानी वासिङटन डिसीमा बसेको एकसिसी सञ्चालक समितिकाे बैठकले एमसिसी–नेपाल कम्प्याक्टको प्रगति विवरण लिँदै चाँडो अनुमोदन गर्न पुनः आग्रह गरेको हो ।
हिजाे एमसिसीले जारी गरेको विज्ञप्तिमा पाँच सय मिलियन अमेरिकी डलर बराबरको सहयोग परियोजनासम्बन्धी सम्झौता चाँडो पारित गर्न सञ्चालक समितिले नेपाल सरकारलाई आग्रह गरेको उल्लेख छ ।
एमसिसी सम्झौता संसदबाट पारित गर्नुपर्ने व्यवस्था छ । एमसिसीलाई लिएर नेपालमा लगातार विरोध हुँदै आएको छ । गत मंगलबार सुरु भएको संसद अधिवेशनबाट एमसिसी पारित गर्ने तयारीमा सरकार रहेको दाबी गरिएको छ । तर दलहरुबीच अझैसम्म एमसिसीलाई लिएर सहमति जुट्न सकेकाे छैन ।
यही परिवेशमा एमसिसी सञ्चालक समितिको त्रैमासिक समीक्षा बैठकमा नेपालमा एमसिसी सम्झौतालाई लिएर भइरहेको प्रगतिबारे छलफल भएको हो । नेपाल सरकारले एमसिसी कम्प्याक्ट चाँडो अनुमोदन गर्ने भनी जनाएको प्रतिबद्धतालाई ‘नोट’ गर्दै सञ्चालक समितिले जति सक्दो छिटो पारित गर्न आग्रह गरेको विज्ञप्तिमा उल्लेख छ ।
एमसिसीलाई लिएर पछिल्ला केही महिनामा उच्च अमेरिकी अधिकारीले नेपाल भ्रमण गरेका छन् । यही क्रममा एक महिना पहिले अमेरिकी सहायक विदेशमन्त्री डोनाल्ड लू नेपाल आएका थिए । उनले एमसिसी पारित गर्ने–नगर्ने निर्णय नेपालको हातमा रहेको उल्लेख गरेका थिए ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- शिक्षकहरुको अन्तरजिल्ला सरुवा रोकियाे
- निसीखोला बस दुर्घटना अपडेट : मृतकको संख्या ९ पुग्यो, २८ जना घाइते
- आइएमई पे एप मार्फत रिफन्डेबल टिकट प्रयोगकर्ताको संख्यामा उत्साहजनक वृद्धि
- बागलुङमा बस दुर्घटनामा ७ जनाको मृत्यु
- अनुसन्धान गर्न महरालाई ४ दिन हिरासतमा राख्न अदालतकाे अनुमति
- इलाम-१ मा उपनिर्वाचनका लागि यी २० दल भए दर्ता
- धरौटीमा छुटे सुन तस्करी प्रकरणमा पक्राउ परेका गुरुङ
- दुर्गा प्रसाईँका सुरक्षा गार्ड पक्राउ, साथबाट हतियार र सय राउण्ड गोली बरामद
- दीपक मनाङे बने भौतिक पूर्वाधार मन्त्री
- केही दिनदेखि शेयरबजारमा देखिएन उत्साह
प्रतिकृया दिनुहोस