वातावरण

आज देशभरको मौसम सफा तर चिसोबाट बच्न सतर्कता अपनाउन आग्रह

• गाउँ सहर संवाददाता
• २९ मङ्सिर बुधबार, २०७८ | ०७:५३:०० मा प्रकाशित

काठमाडौं । आज देशभरको मौसम सामान्यतया सफा रहने भएको छ । तर, देशको पहाडी भू-भागमा आंशिक बदली हुने मौसम पूवार्नुमान महाशाखाले जानकारी दिएको छ ।

नेपालमा अहिले पश्चिमी न्यून चापीय प्रणालीको आंशिक प्रभाव रहेको छ । हाल देशको  पहाडी भू-भागमा आंशिक बदली  रही देशका अन्य भू-भागमा मौसम सामान्यतया सफा महाशाखाले जानकारी दिएको छ ।

तर, देशभर चिसो बढिरहेकाले चिसोबाट बच्न आवश्यक सुरक्षा एवं सतर्कता अपनाउन आग्रह गरिएको छ ।

आज बिहान काठमाडौं उपत्यकाको न्यूनतम तापक्रम ४ दशमलव ६ डिग्री सेल्सियस मापन भएको जल तथा मौसम विज्ञान विभागको मौसम पूर्वानुमान महाशाखाले जनाएको छ । उपत्यकाको हिजोको तापक्रम ४ दशमलव ८ डिग्री सेल्सियसमा मापन भएको थियो ।

जुम्ला, जिरी, मनाङ लगायत केही हिमाली जिल्लाको तापक्रम माइनसमा झर्दा जनजीवन कष्टकर बनेको छ। आज पनि मौसम सफा रहने भएकाले तापक्रम थप घट्न सक्ने महाशाखाले अनुमान गरेको छ ।

बुधबार बिहान देशका अधिकांश पहाडी भेगको मौसम आंशिकदेखि सामान्य बदली रहेको मौसम पूर्वानुमान महाशाखाले जनाएको छ ।