गाउँ सहर

साथी भेट्न कारागार गएका युवक लागुऔषधसहित पक्राउ

काठमाडाैं । प्रहरीले लागुऔषधसहित एक जनालाइ पक्राउ गरेको छ । जिल्ला कारागार कैलालीबाट युवक लागुऔषधसहित पक्राउ परेका हुन् । धनगढी उपमहानगरपालिका–४ उत्तरवेहडी बस्ने २४ वर्षीय उत्तम सिंहलाई १ सय ८० मिलिग्राम अवैध लागुऔषध खैरो हेरोइनसहित पक्राउ गरिएको प्रहरीले जानकारी दिएकाे छ ।

जिल्ला कारागार कैलालीमा रहेको लागुऔषध मुद्दाका बन्दीलाई भेट्न ग्एको अवस्थामा उनलाई पक्राउ गरिएको जिल्ला प्रहरी कार्यालय कैलालीले जनाएको छ । कारागार गेटमा प्रहरीले जाँच गर्दा उक्त पदार्थसहित फेला पारी पक्राउ गरेको प्रहरी नायब उपरीक्षक बेदप्रकाश जोशीले बताएका छन् ।

यस सम्बन्धमा थप अनुसन्धान भइरहेकाे प्रहरीले बताएकाे छ ।  

गाउँ सहर संवाददाता