कांग्रेस सभापतिको दोस्रो चरणकाे मतदान दिउँसो साढे ३ बजे
- गाउँ सहर संवाददाता
- २८ मङ्सिर मंगलबार, २०७८ | ११:१०:०० मा प्रकाशित
काठमाडौं । कांग्रेसको सभापति चुनाव पून दिउँसो साढे ३ बजेवाट शुरु हुने भएको छ । सभापतिको पहिलो चरणमा निर्वाचन भिडेका ५ प्रत्याशीमध्ये कसैले पनि ५१ प्रतिशत मत ल्याउन नसकेपछि निर्वाचन दोस्रो चरणमा धकेलिएको हो ।
सबैभन्दा वढी मत ल्याएका सभापतिका आकांक्षी शेरबहादुर देउवाले ८२ मत पुराउन नसक्दा निर्वाचन दोस्रो चरणमा धकेलिएको हो ।
अब देउवा र अर्का प्रत्याशी शेखर कोइरालाकावीचमा चुनाव हुन लागेको हो ।
दिउँसो ३ वजेर ३० मिनेटदेखि निर्वाचन शुरु गर्ने गरी समय तय गरिएको कांग्रेसको निर्वाचन समितिले जनाएको छ । कांग्रेसको सभापति चुनावमा अव प्रकशमान सिंह, विमलेन्द्र निधि र कल्याण गुरुङ निर्णायक देखिएका छन् ।
त्यस्तै, बदर भएको ७७ मतलाई पनि सही प्रयोगमा ल्याउन सक्नुपर्ने देखिएको छ । देउवाका लागि विमलेन्द्र या प्रकशमान मध्ये एकलाई फकाए पनि पुग्ने देखिन्छ भने शेखरलाई यी सबै मिलाउनु पर्ने हुन्छ ।
निधि नेतृत्व परिवर्तनको पक्षमा देखिएका छन् । उनले प्रकाशमानसँग टेलिफोन सम्वाद गरेर नेतृत्व परिवर्तनमा जानुपर्ने बताएका छन् । प्रकाशमान फकाउन भने देउवाको दूतका रुपमा गृहमन्त्री बालकृष्ण खाँण सिंह निवास चाक्सीबारी पुगेका थिए । त्यसलगत्तै शेखर कोइरालाले पनि सिंहसँग भेटवार्ता गरेको बताइएको छ ।
तर सिंहले आफनो टिमका नेताहरुसँग छलफल गरेर मात्रै निर्णय लिइने जवाफ देउवा कोइरालालाई दिएका छन् । सभापतिको पुनः मतदानपछि मात्र अन्य पदाधिकारी तथा सदस्यहरुमा भएको मतदानको मतगणना गरिने निर्वाचन समितिले जनाएको छ ।
कांग्रेसमा सभापतिका उम्मेदवारले भने खसेको मतको ५१ प्रतिशत मत अनिवार्य ल्याउनु पर्ने ब्यवस्था छ । त्यसो नभए निर्वाचनमा बढी मत ल्याउने दुई उम्मेदवारकावीचमा पून मतदान हुने ब्यवस्था छ । त्यही आधारमा फेरि देउवा र कोइरालाकाबीचमा निर्वाचन हुन लागेको हो ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- पहिलो पटक काठमाडौं जिल्लामा अधिकृत समाज गठन
- संकल्पकाे भारी : पाँचदलीय गठबन्धनले ल्यायाे यस्ताे साझा संकल्प (पूर्णपाठसहित)
- सुस्ताएकाे शेयरबजारमा ३ अर्ब ६३ करोडकाे काराेबार
- प्रधानमन्त्रीसँग सांसदहरूको सवाल-जवाफ (लाइभ)
- फेरिए ११ जिल्लाका सीडीओ, अध्यागमन विभागको महानिर्देशकमा निरौला
- शिक्षकहरुको अन्तरजिल्ला सरुवा रोकियाे
- निसीखोला बस दुर्घटना अपडेट : मृतकको संख्या ९ पुग्यो, २८ जना घाइते
- आइएमई पे एप मार्फत रिफन्डेबल टिकट प्रयोगकर्ताको संख्यामा उत्साहजनक वृद्धि
- बागलुङमा बस दुर्घटनामा ७ जनाको मृत्यु
- अनुसन्धान गर्न महरालाई ४ दिन हिरासतमा राख्न अदालतकाे अनुमति
प्रतिकृया दिनुहोस