दिगोविकास

नेपाली कांग्रेसको महाधिवेशन प्रतिनिधि संख्या कति ?

• गाउँ सहर संवाददाता
• २४ मङ्सिर शुक्रबार, २०७८ | १९:५९:०० मा प्रकाशित

काठमाडाैं । नेपाली कांग्रेसको महाधिवेशन प्रतिनिधि संख्या बढेको छ । 

चुनावी प्रक्रियामा सहभागी हुनका लागि प्रतिनिधि संख्या ४ हजार ७ सय ४३ जना पुगेको हो ।  देशभरिबाट निर्वाचित भएका प्रतिनिधिहरू, भ्रातृ तथा शुभेच्छुक संस्था र जनसम्पर्क समितिसमेत गरी मतदाताको संख्या ४ हजार ७ सय ४३ पुगेको हो ।

यसअघि निर्वाचन समितिले प्रारम्भिक सूची सार्वजनिक गर्दा ४३१९ जना प्रतिनिधिको सूची सार्वजनिक गरेको थियो ।

समितिका संयोजक गोपालकृष्ण घिमिरेका अनुसार चार हजार ७४३ जनाको मतदाता नामावली प्रकाशन भएको छ ।

महाधिवेशनको बन्दसत्र अहिले केहिबेरमा सुरु हुँदैछ भने भोलि शनिबार बिहान १० बजेदेखि उम्मेदवारी मनोनयन पत्र दर्ताको कार्यक्रम सुरु हुदैछ ।