गाउँ सहर

‘अब बनाउनु छ नाडा, सबै अटोमोबिल्स व्यवसायीको साझा’, अध्यक्ष पदका उमेद्वारले गरे पत्रकार सम्मेलन

• गाउँ सहर संवाददाता
• १६ मङ्सिर बिहीबार, २०७८ | १९:२७:०० मा प्रकाशित

काठमाडौँ । ‘अब बनाउनु छ नाडा, सबै अटोमोबिल्स व्यवसायीको साझा’ भन्ने नाराका साथ नेपालका विभिन्न स्थानमा रहेका अटो व्यवसायीहरुसँग ध्रुव थापाको प्यानलले आफ्नो छलफल तथा अन्तरक्रिया कार्यक्रम सम्पन्न गर्दै आज दिउँसो ३ बजे काठमाडौंमा पत्रकार सम्मेलन सम्पन्न भएको छ ।

कार्यक्रममा अध्यक्ष पदका उमेद्वार थापाले आफ्नो टीममा रहेका सदस्यका उमेद्वारहरुको परिचय गराएका थिए ।

नाडाका वर्तमान सदस्य तथा थापा प्यानेलबाट उम्मेदवारी दिएका कपिल शिवाकोटीले संचालन गरेको कार्यक्रममा नाडाको नयाँ निर्वाचनले सवल, सक्षम, र सम्पूर्ण व्यवसायीको समस्या आफ्नै समस्या मानेर कामगर्न सक्ने व्यक्तिको खाँचो रहेको बताए ।

कार्यक्रममा उपस्थित सम्पूर्ण पत्रकारलाई स्वागत गर्दै अध्यक्ष पदका प्रत्याशी थापाले आफ्ने टीमको प्रतिवद्धता सार्वजनिक गर्दै आफ्नो टीममा रहेका  सदस्यहरुको व्यवसायीक क्षमताको विषयमा प्रकाश पारेका थिए ।