अर्थतन्त्र

सोमबार सुनकाे मूल्यमा सामान्य गिरावट

• गाउँ सहर संवाददाता
• १३ मङ्सिर सोमबार, २०७८ | ११:५७:०० मा प्रकाशित

काठमाडाैं । सुनको मूल्यमा सामान्य गिरावट आएको छ । नेपाल सुनचाँदी व्यवसायी महासंघका अनुसार आइतबारको तुलनामा सोमबार सुन तोलामा १०० रुपैयाँले घटेको हो ।

सोमबारका लागि छापावाला सुनको मूल्य तोलाको ९२ हजार रुपैयाँ, तेजावी सुनको मूल्य ९१ हजार ५०० रुपैयाँ र चाँदीको मूल्य प्रतितोला १ हजार २२० रुपैयाँ कायम गरिएको महासंघले जनाएकाे छ ।

आइतबार छापावाला सुन प्रतितोला ९२ हजार १०० रुपैयाँ, तेजावी सुन ९१ हजार ६०० रुपैयाँ र चाँदी तोलाको १ हजार २१० रुपैयाँमा कारोबार भएको थियो ।

सोमबार सुनको मूल्य घटेपनि चाँदी प्रतितोला १० रुपैयाँले बढेको हो ।