गाउँ सहर

पछिल्लाे २४ घण्टामा ३५१ जना संक्रमित थपिए, ९ जनाको मृत्यु

• गाउँ सहर संवाददाता
• ७ मङ्सिर मंगलबार, २०७८ | १६:२३:०० मा प्रकाशित

काठमाडाैं । देशमा पछिल्लो २४ घण्टामा ३५१ जना काेराेना संक्रमित थपिएका छन् ।  संक्रमणबाट ९ जनाको मृत्यु भएको  स्वास्थ्य तथा जनसंख्या मन्त्रालयले जनाएकाे छ ।

 मन्त्रालयका अनुसार १० हजार १७४ जनाको नमुना परीक्षण गर्दा ३५१ जनामा संक्रमण पुष्टि भएको हो । सोही अवधिमा २७३ जना निको भएका छन् ।

यससँगै देशभर कोरोना संक्रमितको कुल संख्या पीसीआर विधिबाट भएको परीक्षणमा ८ लाख १९ हजार ६९९ पुगेको छ भने एन्टिजेन विधिबाट भएको परीक्षणमा ९५ हजार ३७० जना पुगेको छ । 

संक्रमितमध्ये हालसम्म ८ लाख ८९० जना निको भएका छन् भने कुल ११ हजार ५०९ जनाको मृत्यु भएको छ । हाल देशभर ७३०० जना सक्रिय संक्रमित रहेकाे मन्त्रालयले बताएकाे छ ।