गाउँ सहर

कुटपिट गरी एक जनाकाे मृत्यु, भाइबुहारीसहित दुई जना प्रहरी नियन्त्रणमा

• गाउँ सहर संवाददाता
• ७ मङ्सिर मंगलबार, २०७८ | १३:१६:०० मा प्रकाशित

काठमाडाैं । आफ्नै भाइबुहारीकाे कुटपिटबाट एक जनाकाे ज्यान गएकाे छ । गोरखाको आरुघाट गाउँपालिका-४ थुमी बस्ने ४९ वर्षीय चामबहादुर बरामको भाइबुहारी समेतको कुटपिटबाट सोमबार दिउँसो मृत्यु भएको हाे ।  

भाइबुहारी डल्ली बराम र डल्लीकै छोरी निशा बरामले गत शनिबार दिउँसो कुटपिट गर्दा उनी गम्भीर घाइते भएका थिए । उनको उपचारको लागि काठमाडौंतर्फ लैजाने क्रममा बाटोमै मृत्यु भएको थियो । मृत्युको खबर प्राप्त हुनासाथ ईलाका प्रहरी कार्यालय आरुघाटबाट खटिएको प्रहरीले अभियुक्त दुवै जनालाई नियन्त्रणमा लिएकाे प्रहरीले जानकारी दिएकाे छ । 

यस सम्बन्धमा थप अनुसन्धान गरिरहेको प्रहरीले ताएकाे छ ।