तरलताको समस्या तत्काल समाधानका लागि पहल गर्न वरिष्ठ उपाध्यक्ष ढकालको आग्रह
- गाउँ सहर संवाददाता
- २६ कार्तिक शुक्रबार, २०७८ | १९:३९:०० मा प्रकाशित
भक्तपुर । नेपाल उद्योग वाणिज्य महासंघका वरिष्ठ उपाध्यक्ष चन्द्रप्रसाद ढकालले बैंकिङ्ग क्षेत्रमा देखिएको तरलताको समस्या तत्काल समाधन गर्नुपर्ने बताएका छन् ।
शुक्रबार भक्तपुर उद्योग वाणिज्य संघको ३४औँ वार्षिक साधारण सभा तथा अधिवेशनको उद्घाटन समारोहमा बोल्र्दै वरिष्ठ उपाध्यक्ष ढकालले कोभिड–१९ को महामारीबाट थला परेको व्यवसायिक क्षेत्र विस्तारै सुधार हुने अवस्थामा रहेको हुँदा अहिले बजारमा देखिएको तरलताको समस्या समाधानको लागि तत्काल पहल लिन नेपाल सरकार तथा नेपाल राष्ट्र बैंकलाई आग्रह समेत गरेका हुन् ।
“विगत दुई वर्षभन्दा लामो समयदेखि कोभिड–१९ को महामारीबाट सिथिल रहेको उद्योग व्यवसाय विस्तारै सुधार हुने अवस्थामा रहेको थियो । तर अहिले बैंकिङ्ग क्षेत्रमा देखिएको तरलता समस्याले यसलाई थप मारमा पारेको छ । यसलाई तत्काल समाधान गरिएन भने यसले ठूलो र दीर्घकालिन समस्या पु-याउनेछ,” उनले भने ।
उनले बजारमा देखिएको तरलताको समस्या समाधानको लागि नेपाल उद्योग वाणिज्य महासंघको तर्फबाट पनि सरकारको ध्यानाकर्षण गरिसकेको बताए ।
यस वर्ष बजेट ल्याउन ढिलो हुँदा सरकारी खर्च कम भएको र रेमिट्यान्सको आप्रवाह पनि घटेकोले बजारमा तरलता अभाव देखिएको उनले बताए । मुलुकको आर्थिक विकासमा निजी क्षेत्रको भूमिकाको चर्चा गर्दै उनले राज्यका हरेक संयन्त्रले निजी क्षेत्रसँग मिलेर काम गर्नुपर्ने बताए ।
“यो स्पष्ट छ कि निजी क्षेत्र विकास र आर्थिक वृद्धिको मुख्य इन्जिन हो । सफल व्यवसायहरुले आर्थिक वृद्धि गर्छन्, रोजगारी सृजना गर्छन् र कर तिर्छन् जसबाट विभिन्न सेवा र लगानीको लागि फाइनान्स हुन्छ । विकासोन्मुख देशहरुमा निजी क्षेत्रको भूमिका झन ठूलो र महत्वपूर्ण हुन्छ । यसले ठूलो संख्यामा रोजगारी सृजना गरेको हुन्छ, लगानीको लागि रकम जुटाउँछ र सरकारी राजश्वमा महत्वपूर्ण योगदान गर्छ,” त्यसैले निजी क्षेत्रसँग सहकार्य गर्दा विकास र आर्थिक वृद्धि सहज हुन्छ ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- सुन तस्करी जाँचबुझ आयोगको प्रतिवेदन बुझेपछि प्रधानमन्त्रीले के भने ?
- प्रतिनिधिसभाकाे आजकाे बैठकमा राजनीतिक दलसम्बन्धी विधेयक प्रस्तुत हुने
- ४ रुपैयाँमा केश काटेर शैलुनकाे वार्षिकाेत्सव
- अब राष्ट्रिय परिचय नम्बरसहितकाे जन्म दर्ताकाे प्रमाणपत्र जारी गरिने
- रामेछापमा टार गाउँमा भीषण आगलागी
- रुसी सेनामा थप ७ जनाको मृत्यु भएको परराष्ट्रद्वारा पुष्टि (नामावलीसहित)
- उदयपुर जीप दुर्घटना अपडेट : मृतक ८ र घाइते ९ जना (नाम ठेगानासहित)
- शेयरमा गिरावट, ३ अर्ब ९४ करोडको कारोबार
- सङ्घीय निजामती सेवा विधेयक संसद्मा पेस
- प्रतिनिधिसभा बैठकमा भइरहेछ यस्ताे छलफल (लाइभ)
प्रतिकृया दिनुहोस