गाउँ सहर

ताेलामा चार सयले बढ्याे सुनकाे मूल्य, कतिमा हुँदैछ काराेबार ?

• गाउँ सहर संवाददाता
• २६ कार्तिक शुक्रबार, २०७८ | ००:१२:०० मा प्रकाशित

काठमाडौं । सुनको मूल्य आज प्रतितोला ४०० रुपैयाँले बढेर ९४ हजार ४०० रुपैयाँ कायम भएको छ । बिहीबार प्रतितोला  ९४ हजार रुपैयाँमा कारोबार भएको थियो ।

नेपाल सुनचाँदी व्यवसायी महासङ्घका अनुसार आज तेजाबी सुनको मूल्य प्रतितोला ९३ हजार ९०० रुपैयाँ रहेकाे छ ।

आज चाँदीको मूल्य बिहीबारका तुलनामा १५ रुपैयाँले उकालो लागेर एक हजार २८५ तोकिएकोे छ । चाँदी बिहीबार प्रतितोला एक हजार २७० रुपैयाँमा कारोबार भएको थियो ।

महासङ्घले अन्तर्राष्ट्रिय बजारमा हुने सुनचाँदीका मूल्यको उतारचढावका आधारमा यहाँँ दैनिक सुन तथा चाँदीको कारोबार मूल्य तोक्दै आएको छ । अन्तर्राष्ट्रिय बजारमा आज सुन प्रति औंस एक हजार ८५९ डलर आसपासमा कारोबार भइरहेको महासंघले जनाएकाे छ ।