स्वास्थ्य

काठमाडाैँमात्र ५०० बढी संक्रमित जिल्ला, १२ हजार माथिकाे परीक्षण गर्दा ३१७ संक्रमित, थप ६ काे निधन

• गाउँ सहर संवाददाता
• २५ कार्तिक बिहीबार, २०७८ | १६:४४:०० मा प्रकाशित

काठमाडौँ । नेपालमा कोरोनाबाट पछिल्लो २४ घण्टामा थप ६ जना संक्रमितको मृत्यु भएको छ । योसहित अहिलेसम्म कोरोनाबाट मृत्यु हुनेको संख्या ११ हजार ४६६ पुगेको छ ।

पछिल्लो २४ घण्टामा १२ हजार ६५३ को परीक्षण हुँदा ३१७ संक्रमित थपिएका छन् । मन्त्रालयका अनुसार निको हुनेको संख्या गत २४ घण्टामा २७९ छ ।

देशभरका क्वारेन्टाइनमा रहनेको संख्या ९८ छ ।

देशमा सक्रिय संक्रमितको संख्या सात हजार ५३५ रहेको छ ।

अहिलेसम्म पूर्ण खोप खोप लगाउनेको संख्या ७४ लाख ८५ हजार ११० छ । पछिल्लो समय चार हजार ५१६ जनाले खोप लगाएका छन् ।

मन्त्रालयका अनुसार संक्रमण दर १८.२ प्रतिशत र मृत्यु प्रति दश लाखमा ३७७.४ रहेको छ ।

मन्त्रालयका अनुसार अहिले ५०० भन्दा बढी संक्रमित रहेका जिल्लाहरु एक छन् भने २०० माथि संक्रमित रहेका १० जिल्लाहरु छन् ।

तर मुगु र हुम्ला शुन्य संक्रमित रहेका जिल्ला बनेका छन् ।