स्वास्थ्य

पछिल्लो २४ घण्टामा थप १८३ जनामा कोभिड–१९ को सङ्क्रमण पुष्टि

काठमाडौँ । पछिल्लो २४ घण्टामा थप १८३ जनामा कोभिड–१९ को सङ्क्रमण पुष्टि भएको छ ।

स्वास्थ्य तथा जनसङ्ख्या मन्त्रालयका अनुसार दुई हजार ३०७ जनाको पीसीआर परीक्षण गर्दा १७४ जना र दुई हजार ५३७ जनाको एन्टिजेन परीक्षणमा ९ जना गरी जम्मा १८३ जनामा सङ्क्रमण पुष्टि भएको हो । योसँगै कोरोना सङ्क्रमितको कूल सङ्ख्या ९ लाख ४ हजार ८०४ पुगेको छ ।

थप ६५९ जना कोरोना सङ्क्रमणमुक्त भएका छन् । हालसम्म सात लाख ९४ हजार ४३८ जना सङ्क्रमणमुक्त भएका हुन् । कारोना निको भएको दर ९७.६ प्रतिशत रहेको छ । यस्तै पछिल्लो २४ घण्टामा २ सङ्क्रमितको मृत्यु भएको छ । योसँगै हालसम्म मृत्यु हुनेको सङ्ख्या ११ हजार ४३८ पुगेको छ ।

हाल देशभर सक्रिय सङ्क्रमितको सङ्ख्या ८ हजार ४१३ रहेका छन् । जसमध्ये ७ हजार ७६३ होम आइसोलेशनमा रहेका छन् भने ६५० संस्थागत आइसोलेशनमा रहेका छन् । कोरोनाका बिरामीमध्ये २०० जना आईसीयू र ५५ जना भेन्टिलेटरमा उपचाररत छन् ।

गाउँ सहर संवाददाता