स्वास्थ्य

देशमा काेराेना सक्रिय संक्रमितकाे संख्या अब १५ हजार ६१४

काठमाडौँ । कोरोनाभाइरसका कारण पछिल्लो २४ घण्टामा १० जनाको मृत्यु भएको छ । यो सहित कुल मृतकको संख्या ११ हजार २१० पुगेको छ ।

स्वास्थ्य तथा जनसंख्या मन्त्रालयका अनुसार नयाँ ७६४ संक्रमित थपिएका छन् । यो सहित कुल संक्रमित पिसिआरबाट ८ लाख ९९७ र एन्टिजेनबाट ९२ हजार ८३९ पुगेका छन् ।

मन्त्रालयका अनुसार पछिल्लो २४ घण्टामा निको हुने १ हजार ३३ छन् । जुन ९६.७ प्रतिशत हाे । योसहित कुल निको हुनेको संख्या ७ लाख ७४ हजार १७३ पुगेको छ ।

अहिले ३१३ संक्रमित आइसियू र ११३ को भेन्टिलेटरमा उपचार भइरहेको छ । देशभर होम आइसोलेशनमा हुनेको संख्या १४ हजार ४६१ र १ हजार १५३ जना संस्थागत आइसोलेशनमा छन् । यसमा २४१ जना क्वारेन्टाइनमा रहेको मन्त्रालयले बताएको छ ।

देशमा सक्रिय संक्रमितकाे संख्या १५ हजार ६१४ छ ।

पूर्ण खोप लगाउनेको संख्या ६४ लाख ४१ हजार ६३२ पुगेको छ । पछिल्लो समय ४३ हजार ९४१ जनाले खोप लगाएका छन् ।

मन्त्रालयका अनुसा संक्रमण दर १८.७ प्रतिशत र मृत्यु प्रति दशलाखमा ३७७.८ रहेको छ ।

अहिले ८ जिल्लामा ५०० बढी संक्रमण र १९ जिल्लामा २०० बढी संक्रमित रहेका छन् ।

गाउँ सहर संवाददाता