सेवा

राइजिङ्ग स्टार युथ क्लवको रक्तदानमा ५३ युनिट रगत संकलन

लेखनाथ । पोखरा महानगरपालिका वडा नं २७ रिठेपानीमा रहेको राइजिङ्ग स्टार युथ क्लवले राखेको १९ औं खुल्ला रक्तदानमा ५३ युनिट रगत संकलन भएको छ ।

क्लवको वार्षिक कार्यक्रम अन्तर्गत शक्रवार राखिएको खुल्ला रक्तदानमा पहिलो रक्तदाता जितेन्द्र क्षेत्रीलाई ब्लड ब्याग हस्तान्तरण गर्दै पोखरा महानगरपालिका वडा नं २७ का वडाध्यक्ष पूर्णकुमार गुरुङले युवाहरुले समाज परिवर्तनका लागि उदाहरणीय काम गरेर देखाएकामा  क्लवको प्रशंसा गर्दै स्थानीय स्तरको विकास निर्माणमा युवाको सहभागीता रहनु सकारात्मक भएको वताए ।

क्लवका अध्यक्ष विष्णुप्रसाद गुरुङको अध्यक्षतामा भएको कार्यक्रममा रक्तसंचार केन्द्र पोखराका प्रमुख अर्जुन ज्ञवाली, क्लवका कोषाध्यक्ष सागर गुरुङ , कार्यक्रम संयोजक राजकुमार गुरुङ लगायतले रक्तदानको महत्व र उपयोगिताका बारेमा जानकारी गराएका थिए ।

यसै वर्ष क्लवले कोभिडका समयमा बजारमा देखिएको रगतको अभावलाई पुरा गर्न तीन पटक आकस्मिक रक्तदानको समेत आयोजना गरेको थियो ।

गाउँ सहर संवाददाता