दिगोविकास

नेप्सेमा गिरावट कायमै, कारोबार रकम ५ अर्बमै सीमित

• गाउँ सहर संवाददाता
• ३० भदौ बुधबार, २०७८ | १५:२८:०० मा प्रकाशित

काठमाडौं । बुधबार पनि सेयर बजारमा लगानीकर्ता निराश देखिका छन् । नेप्से परिसूचक ४०.२६ अंकले घटेर २८८९.०३ अंकमा झरेको छ ।

कारोबार रकम बढ्न सकेको छैन । बुधबारको कारोबारमा १ करोड ५ लाख ५७ हजार ८६६ कित्ता सेयर ५ अर्ब ३५ करोड ८० लाख ९७ हजार २५० रुपैयाँमा कारोबार भएको छ ।
मनकामना लघुवित्त, कर्पोरेट विकास बैंक, छ्याङदी हाइड्रोलगायतका कम्पनीको सेयर मूल्य बढेको छ ।

उपसमूहतर्फ सबै उपसूचकमा गिरावट देखिएको छ ।

यस दिन मनकामना स्मार्ट लघुवित्तको शेयरमूल्य सबैभन्दा धेरै ८.२३ प्रतिशतले बढेको छ भने कर्पोरेट डेभलपमेन्ट बैंकको ६.६७ प्रतिशत, छ्याङ्दी हाइड्रोपावरको ४.०८ प्रतिशत, माउन्टेन इनर्जीको १.९७ प्रतिशत र नारायणि डेभलपमेन्ट बैंकको १.६६ प्रतिशतले बढेको छ।

यसैगरी बुधबार हिमालयन उर्जा विकास कम्पनीको शेयरमूल्य सबैभन्दा धेरै ६.८८ प्रतिशतले घटेको छ भने गोर्खाज फाइनान्सको ५.४१ प्रतिशत, रुरु जलविद्युतको ४.८६ प्रतिशत, सिन्धु विकास बैंकको ४.४६ प्रतिशत र गुडविल फाइनान्सको ४.३१ प्रतिशतले घटेको छ ।

बुधबार पनि अरुण भ्याली हाइड्रोपावरको सबैभन्दा धेरै २२ करोड १४ लाख रुपैयाँ बराबरको शेयर कारोबार भएको छ भने सानिमा लाइफ इन्स्योरेन्सको १७ करोड,आइसिएफसि फाइनान्सको १५ करोड, रैराङ हाइड्रोपावरको १४ करोड र नेश्नल हाइड्रोपावरको १३ करोड रुपैयाँ बराबरको शेयर बारोबार भएको छ ।