पूर्वाधार

कोरोनाबाट विश्वमा ४६ लाख ४३ हजार ४५४ ले ज्यान गुमाए, पछिल्लो समय निको हुनेको संख्या बढ्दाे

• गाउँ सहर संवाददाता
• २८ भदौ सोमबार, २०७८ | ०५:२३:०० मा प्रकाशित

काठमाडौँ । विश्वव्यापी महामारी कोरोनाभाइरबाट संक्रमितको संख्या २२ करोड ५४ लाख ४३ हजार १३ पुग्दा रोग परास्त गर्नेको संख्या विश्वमा २० करोड १९ लाख ८२ हजार ९४३ पुगेको छ । तर यसमध्ये ४६ लाख ४३ हजार ४५४ को भने ज्यान गएको छ ।

वर्ल्डोमिटर्स डट इन्फोकोरोनाभाइरसको ताजा अपडेटनुसार अहिले कोरोनाभाइरसका सक्रिय संक्रमितको संख्या १ करोड ८८ लाख १६ हजार ६१६ रहेको छ । यसमध्ये १ लाख ३ हजार २०१ जनाको अवस्था गम्भीर छ, जुन संख्यापनि घटेको छ ।

संक्रमणको दर घटेका देशमा क्रमशः लकडाउन हटाउँदै लगिएको, खोपको मात्रा बढाइएको छ । खाेप प्रभावकारी रहेकाे स्वास्थ्य संगठनहरूले बताउँदै आइरहेका छन् ।

नेपालमा पनि संक्रमणमा कमी आएसँगै खुला गरिएको छ । पछिल्लो दिनमा १३ जनाको भाइरसका कारण ज्यान गएको छ । तर केहि समय यता संक्रमितभन्दा निको हुने बढेका छन् । समय थोरै सहज हुँदै गएको जानकारहरुले बताएपनि मापदण्ड विर्सनुनहुने उनीहरुको भनाइ छ ।

नेपालमा अहिलेसम्म ७ लाख ७७ हजार १६३ ले रोग परास्ता गरिसकेका छन् । देशमा अहिले सक्रिय संक्रमितको संख्या २६ हजार ७५७ रहेको छ । अहिलेसम्म १० हजार ९४९ जनाले ज्यान गुमाइसकेका छन् ।