स्वास्थ्य

के हाे निपाह भाइरस, कसरी सर्छ, राेकथाम के ?

काठमाडौँ । निपाह भाइरस पशुबाट मानिसमा सर्ने एक गम्भीर प्रकृतिको रोग लाग्ने भाइरसको संक्रमण हो । यस भाइरस प्राकृतिक रूपमा फ्रूट ब्याट भन्ने प्रजातिको चमेरोमा पाइन्छ ।

यो संक्रमित चमेराबाट सुँगुर, गाई, गोरूजस्ता हुँदै मानिसमा सर्दछ । यस्तै संक्रमित पशुको संसर्गमा आएको फलफूल प्रयोग गरेमा र संक्रमितको रगत, दिसा, पिसावसँग प्रत्यक्ष सम्पर्कमा आएमा पनि सर्दछ ।

स्वास्थ्य तथा जनसंख्या मन्त्रालयका अनुसार यसका लक्षणहरूमा ज्वरो आउने, टाउको दुख्ने, रिंगटा लाग्ने, मांसपेशी दुख्ने, वाकवाकी लाग्नु, टंसिलाइटिस हुनु र श्वासप्रश्वासमा कठिनाइ पर्दछन् ।

यसको रोकथामको लागि फलफूल पखालेर खाने, तरकारी सकेसम्म पकाएर खाने, गाइवस्तुको गोठ र फार्म सफा राख्ने, मासु काट्दा र पकाउँदा पन्जा र मास्कको प्रयोग गर्ने, सकेसम्म पानी उमालेर पिउने, बेलाबेलामा साबुनपानीले हात धुने, भिडभाडमा जाँदा मास्क लगाउने गर्नुपर्ने मन्त्रालयको भनाइ छ ।

गाउँ सहर संवाददाता

तपाईँको मत