अर्थतन्त्र

तेह्रथुम पावरको आइपीओ, ७४ हजार ४०० भित्र पर्नुभाे ?

• गाउँ सहर संवाददाता
• २५ भदौ शुक्रबार, २०७८ | ११:४८:०० मा प्रकाशित

काठमाडौँ । तेह्रथुम पावर कम्पनी लिमिटेडको आईपीओ शुक्रवार बाँडफाँट भएको छ ।

विक्री प्रबन्धक एनआईबिएल एस क्यापिटलको कार्यालयमा बिहान १० बजे भएको बाँडफाँटमा ७४ हजार ४०० जनाले गोलाप्रथाको माध्यमबाट १० कित्ताका दरले शेयर पाएका छन् ।

कम्पनीले भदौ ९ गतेदेखि १३ गतेसम्म सर्वसाधारणमा आईपीओ विक्री गरेको थियो । कम्पनीले सर्वसाधारणका लागि छट्याएको प्रतिकित्ता रू. १०० अंकित दरको रू. ८ करोड बराबरको ८ लाख कित्तामध्य ५ प्रतिशत दरको ४० हजार कित्ता सामूहिक लगानीकोषका लागि बाँडफाँट गरिसकेको छ भने २ प्रतिशत दरको १६ हजार कित्ता शेयर कर्मचारीहरुका लागि सुरक्षित गरी बाँकी ७ लाख ४४ हजार कित्ता शेयर सार्वजनिक निष्कासन मार्फत विक्री गरेको हो ।

२३ लाख ५५ हजार ४४७ आवेदकहरुले २ करोड ७८ लाख ४०० कित्ता शेयर खरिदको लागि आवेदन दिएकोमा ८ हजार ८२० जनाको आवेदन रद्द भएको छ । योग्य २३ लाख ४६ हजार ६२७ जना आवेदकहरुमा गोलाप्रथाको माध्यमबाट आईपीओ बाँडफाँट गरिएको हो ।

कम्पनीले सर्वसाधारणमा शेयर जारी गर्नुपूर्व आयोजना प्रभावित स्थानियमा आईपीओ विक्री गरिसकेको छ । कम्पनीले आयोजना प्रभावित तेह्रथुम जिल्लाका वासिन्दाहरुलाई रू. ४ करोड बराबरको ४ लाख कित्ता शेयर विक्री गरेको हो ।