स्वास्थ्य

कोरोनाबाट थप २० जना संक्रमितको मृत्यु, ५३७ सघन र १६४ जनाको भेन्टिलेटरमा उपचार हुँदै

• गाउँ सहर संवाददाता
• १५ भदौ मंगलबार, २०७८ | १७:०८:०० मा प्रकाशित

काठमाडौँ । नेपालमा कोरोनाबाट पछिल्लो २४ घण्टामा २० जना संक्रमितको मृत्यु भएको छ । योसहित अहिलेसम्म कोरोनाबाट मृत्यु हुनेको संख्या १० हजार ७५० पुगेको छ ।

पछिल्लो २४ घण्टामा १२ हजार २२२ को परीक्षण हुँदा १ हजार ६६४ संक्रमित थपिएका छन् ।

आजसम्म जम्मा ३९ लाख १५ हजार १४६ पिसिआर र ४ लाख ६८ हजार ९४५ जनाको एन्टिजेन परीक्षण भएको छ । जसमा ७ लाख ६२ हजार ६४७ पिसिआरबाट संक्रमण पुष्टि भएका छन् भने एन्टिजेनबाट ८३ हजार ५०५ पुष्टि भएका छन् ।

अहिलेसम्मका संक्रमितमध्ये ५३७ सघन र १६४ जनाको भेन्टिलेटरमा उपचार भइरहेको मन्त्रालयले जनाएको छ ।

मन्त्रालयका अनुसार निको हुनेको संख्या गत २४ घण्टामा १ हजार ७८६ छ । योसहित कुल निको हुनेको संख्या ७ लाख १६ हजार ३०६ पुगेको छ ।

देशभरका क्वारेन्टाइनमा रहनेको संख्या ३२९ र होम आइसोलेशनमा रहेको संख्या ३३ हजार २१४ छ भने संस्थागत आइसोलेशनमा रहेको संख्या २ हजार ३७७ छ ।

देशमा सक्रिय संक्रमितको संख्या ३५ हजार ५९१ रहेको छ ।

अहिलेसम्म पूर्ण खोप प्राप्त गर्नेको संख्या ४४ लाख ५९ हजार ७६१ पुगेको मन्त्रालयले जनाएको छ ।

उमेर समूहको आधारमा अझैपनि २१ देखि ६० वर्ष उमेर समूहमा संक्रमण बढी छ ।

मन्त्रालयका अनुसार संक्रमण दर १९.५ प्रतिशत र मृत्यु प्रति दश लाखमा ३६२.३ रहेको छ ।

मन्त्रालयका अनुसार अहिले ५०० भन्दा बढी संक्रमित रहेका जिल्लाहरु २० छन् भने २०० माथि संक्रमित रहेका १८ जिल्लाहरु छन् ।