स्वास्थ्य

काठमाडौं उपत्यकामा थप ७२९ जनामा कोरोना संक्रमण पुष्टि

काठमाडौं । पछिल्लो २४ घण्टामा काठमाडौं उपत्यकामा थप ७२९ जनामा कोरोना संक्रमण पुष्टि भएको छ ।

उपत्यकाका विभिन्न ल्याबहरुमा भएका पीसीआर तथा विभिन्न स्थानमा गरिएको एन्टिजेनबाट ती संक्रमित पहिचान भएको स्वास्थ्य तथा जनसंख्या मन्त्रालयले जानकारी दिएको छ ।

मन्त्रालयका अनुसार काठमाडौंमा ५१२, भक्तपुरमा ६३ र ललितपुरमा १५४ जना कोरोना संक्रमित थपिएका हुन् ।

यस्तै, पछिल्लो २४  घण्टामा देशभर थप २ हजार २१२ जनामा कोरोना संक्रमण पुष्टि भएको छ। यस्तै, ३३ जनाले ज्यान गुमाएका छन् ।

देशभर हालसम्म ३९ हजार २९८ जना सक्रिय संक्रमित छन् । 

गाउँ सहर संवाददाता