वातावरण

काठमाडौँ उपत्यकाको न्यूनतम तापक्रम आज १४ डिग्री सेल्सियस

• गाउँ सहर संवाददाता
• ३ कार्तिक शनिबार, २०८१ | १८:५१:०० मा प्रकाशित

काठमाडौँ । काठमाडौँ उपत्यकाको तापक्रम पनि निरन्तर ओरालो लागिरहेको छ । आज (कात्तिक ३ गते) १४ डिग्री सेल्सियसमा झरेको छ ।

मनसुन अक्टोबर १२ तारिखमा बिदा भई पोस्ट मनसुन सुरु भएयता देशभर नै क्रमिक रूपमा तापक्रम घटिरहेको छ ।

मनसुन बिदा तथा पोस्ट मनसुन सुरु भएको दिन अक्टोबर १२ मा काठमाडौँ उपत्यकाको अधिकतम तापक्रम २८.३ र न्यूनतम तापक्रम १६.५ डिग्री सेल्सियस थियो । यसको भोलिपल्ट अर्थात् अक्टोबर १३ का दिन अधिकतम २८ र न्यूनतम १४.७ मा झरेकाे थियाे ।