अर्थतन्त्र

आयात प्रतिस्थापन गर्न आवश्यक - अर्थमन्त्री शर्मा

काठमाडौँ । अर्थमन्त्री जनार्दन शर्माले मुलुकमा आयात प्रतिस्थापन गर्न आवश्यक रहेको बताएका छन् । 

नेपाल उद्योग वाणिज्य संघ काठमाडौंद्वारा शनिबार भर्चुअल रुपमा आयोजित दोस्रो वार्षिक साधारण सभालाई सम्बोधन गर्दै अर्थमन्त्री शर्माले उत्पादन वद्धि गरेर आयात प्रतिस्थापन गर्नुको विकल्प नभएको बताए ।

निर्यातमुखी अर्थतन्त्र निर्माणको लागि उत्पादन वृद्धि गर्नु अपरिहार्य रहेको भन्दै अर्थमन्त्री शर्माले उत्पादन बढाएर व्यापार घाटा कम गर्ने बताएका हुन् ।

अर्थमन्त्री शर्माले कोभिड - १९ संकटको बेला निजी क्षेत्रले राहत महशुस गर्ने गरी सरकारले काम गर्ने बताए ।  उनले मुलुकलाई आत्मनिर्भर बनाउने अभियानमा लैजान निजी क्षेत्रले के कस्तो नीतिगत सुधार चाहन्छ, त्यसको लागि सरकार तयार रहेको पनि बताए ।

गाउँ सहर संवाददाता