राजनीति

देउवा निवासमा कार्यकर्ताकाे नाराजुलुश, फर्जी क्रियाशील सदस्यता खारेजीको माग

• गाउँ सहर संवाददाता
• २८ श्रावण बिहीबार, २०७८ | १४:४४:०० मा प्रकाशित

काठमाडौं । कांग्रेस सभापति शेरबहादुर देउवाको निवास अघिल्तिर कांग्रेसका नेता कार्यकर्ताले प्रदर्शन गरेका छन् ।

भदौमै पार्टीको १४औँ महाधिवेशन हुनुपर्ने माग गर्दै कांग्रेसका कार्यकताले प्रदर्शन गरेका हुन् ।

कांग्रेसलाई संवैधानिक संकटबाट जोगाउन समयमै महाधिवेशन गराउनुपर्ने, विधान मिच्न नपाइने, संविधान मिच्न नपाइने भन्दै प्रदर्शन गरेका छन् ।

उनीहरुले फर्जी क्रियाशील सदस्यता खारेजीको माग गरेका छन् ।

प्लेकार्डसहित उपस्थित भएका कार्यकर्ता वरिष्ठ नेता पौडेल पक्षका हुन्। विरोध कार्यक्रमको अगुवाइ रञ्जित कर्णले गरेका छन्

बिहीबार बस्ने केन्द्रीय कार्यसमितिले बिथोलिएको महाधिवेशनको नयाँ कार्यतालिका निर्धारण गर्ने तयारी गरेको छ । तर पौडेल समूहले अझै पनि भदौमा ‘फाष्ट ट्रयाक’बाट भए पनि महाधिवेशन सम्पन्न गर्नुपर्ने अडान राखेको छ ।