अर्थतन्त्र

सुनको मूल्य बढ्याे चाँदीको स्थिर

• गाउँ सहर संवाददाता
• २८ श्रावण बिहीबार, २०७८ | १२:०३:०० मा प्रकाशित

काठमाडौं । बिहीबार अघिल्लो दिनको तुलनामा सुनको मूल्य बढेको छ भने चाँदीको मूल्य स्थिर रहेको छ । बुधबारको तुलनामा सुनको मूल्य तोलामा ६ सय रुपैयाँले बढेको नेपाल सुनचाँदी व्यवसायी महासंघले जनाएको छ ।

बिहीबार छापावाला सुन प्रतितोला ८९ हजार ४ सय रुपैयाँ र तेजाबी सुन प्रतितोला ८८ हजार ९५० रुपैयाँमा कारोबार भइरहेको महासंघले जनाएको छ ।

अघिल्लो दिन छापावाला सुन ८८ हजार ८ सय तथा तेजाबी सुन ८८ हजार ३५० रुपैयाँमा प्रतितोलामा खरिद बिक्री भएको थियो ।

यस्तै, बिहीबार चाँदीको मूल्य भने स्थिर रहेको छ । आज चाँदी अघिल्लो दिनको मूल्य प्रतितोला ११ सय ९० रुपैयाँमा कारोबार भइरहेको महासंघले जनाएको छ ।