स्वास्थ्य

त्रिविअन्तर्गत स्नातक र स्नातकोत्तर तहका परीक्षार्थीहरूलाई यी स्थानमा खाेप लगाइने

• गाउँ सहर संवाददाता
• २७ श्रावण बुधबार, २०७८ | १६:५७:०० मा प्रकाशित

काठमाडौं । सरकारले त्रिभुवन विश्वविद्यालय (त्रिवि)अन्तर्गतका परीक्षामा सहभागी हुने विद्यार्थीहरुलाई कोभिड–१९ विरुद्धको खोप दिने निर्णय गरेको छ ।

सरकारले परीक्षामा सहभागी हुने विद्यार्थीलाई प्रवेशपत्रका आधारमा कोरोनाविरुद्धको खोप दिने निर्णय गरेको हाे ।

स्वास्थ्य सेवा विभागका खोप शाखा प्रमुख डाक्टर झलक गौतमले अहिले परीक्षा दिइरहेका परीक्षार्थीहरूलाई कोरोनाविरूद्ध खोप दिन लागिएको गाउँसहरलाई बताए ।

अब विद्यार्थीले प्रवेशपत्रका आधारमा काठमाडौं जिल्लाका तीन स्थानबाट कोरोनाविरुद्धको खोप पाउने भएका छन् ।

यसअघिसं युक्त विद्यार्थी संगठनले सोमबार स्वास्थ्य तथा जनसंख्या राज्यमन्त्री उमेश श्रेष्ठसँग खोपको व्यवस्था गर्न संयुक्त रुपमा विद्यार्थी संगठनले माग गरेका थिए ।  परीक्षा केन्द्रहरूमा विद्यार्थीहरूले प्रदर्शन गरेका थिए ।

जिल्ला स्वास्थ्य कार्यालयमा जुन खोप उपलब्ध छ त्यही खोप विद्यार्थीहरूलाई लगाइने उनले बताए ।

त्रिविअन्तर्गत हाल स्नातक र स्नातकोत्तर तहका विभिन्न विषयको परीक्षा चलिरहेको छ ।

खाेप लगाइने अस्पतालहरू

वीरेन्द्र सैनिक अस्पताल,

नेपाल प्रहरी अस्पताल पानीपोखरी,

शसस्त्र प्रहरी बल बलम्बु अस्पताल,

राधा स्वामी सत्संग केन्द्र बसुन्धारा र 

परिवार कल्याण महाशाखा, टेकु