अर्थतन्त्र

मैलुङ खोला हाइड्रोको आइपीओ पर्‍यो त ? यसरी हेर्नुहाेस्

• गाउँ सहर संवाददाता
• २६ श्रावण मंगलबार, २०७८ | १२:०३:०० मा प्रकाशित

काठमाडौं । मैलुङ खोला जलविद्युत् कम्पनीको प्राथमिक शेयर (आईपीओ) बाँडफाँट भएको छ । कम्पनीको सेयर निष्कासन तथा बिक्री प्रबन्धक सिद्धार्थ क्यापिटलले विहान ९ बजे उक्त आइपीओ बाँडफाँट भएको हो । 

क्यापिटलका अनुसार कम्पनीको आईपीओमा कुल २० लाख ६७ हजार ९६७ जनाले आवेदन दिएका थिए । जसमध्ये २ हजार ८४३ जनाको आवेदन रद्द भएको छ भने बाँकी २० लाख ६५ हजार १२४ जनाको आवेदन स्वीकृत भएको छ । स्वीकृत आवेदनमध्ये ६८ हजार ४७४ जनालाई १० कित्ताका दरले शेयर बाँडफाँट गरिएको छ ।

जसमध्ये ६ जनाले थप १ कित्ता अर्थात कुल ११ कित्ता शेयर प्राप्त गरेका छन् ।

हाल कम्पनीको चुक्ता पूँजी २९ करोड ४५ लाख १४ हजार ४०० रुपैयाँ रहेको छ। सर्वसाधारणमा आईपीओ बिक्री गरेपश्चात कम्पनीको चुक्ता पूँजी ३६ करोड ८१ लाख ४३ हजार रुपैयाँ पुग्नेछ ।

गानीकर्ताले बिक्री प्रबन्धक सिद्धार्थ क्यापिटलको वेबसाइट र मेरोसेयर एकाउन्टबाट आइपीओको नतिजा हेर्न सक्नेछन् । मैलुङ खोलाको वेबसाइट तथा सीडीएस एन्ड क्लियरिङले आइपीओ रिजल्ट हेर्न बनाएको वेबसाइटबाट पनि रिजल्ट हेर्न सकिन्छ । 

आइपीओको नतिजा यहाँ गएर हेर्न सकिन्छ

 सिद्धार्थ क्यापिटलको वेवसाइट 

आईपीओ रिजल्ट डट सिडिएससी डट कम डट एनपी 

 सिडिएससीको वेवसाइट  

 मैलुङ्ग खोला जलविद्युत कम्पनीको वेवसाइट