राजनीति

कांग्रेसले महाधिवेशन सार्ने तयारी गरेकाे भन्दै गाेकुल बास्काेटाले गरे यस्ताे टिप्पणी

काठमाडौं । सत्तारुढ दल नेपाली कांग्रेसको महाधिवेशन बारे नेकपा एमालेको केन्द्रीय सदस्य गोकुल बाँस्कोटाले बेला बेला टिप्पणी गर्ने गर्दछन् । 

बास्काेटाले कांग्रेसको क्रियाशील सदस्यता वितरणमा भइरहेको विवाद र महाधिवेशनबारे चासाेकासाथ सामाजिक सञ्जालमा टिप्पणी गरेका छन् । 

उनले बिहीबार कांग्रेसले मौका पाए डेढ वर्षसम्म महाधिवेशन सार्ने समाजिक सञ्जालमा उनले लेखेका छन् । 

क्रियाशील सदस्यता वितरणमा समेत विवाद भई तल्लो तहका कारण महाधिवेशन प्रभावित भएपछि एमाले नेता बाँस्कोटाले व्यंग्य गरेका हुन् । उनले लेखेका छन्, 'मैले त पहिल्यै भन्या छु । कांग्रेस शुन्य समयको प्रबन्ध मिलाउन खोज्दैछ । मौका पाए डेढ बर्ष महाधिवेशन सार्छ नपाए अब वडा तहको गर्छ । तर, पालिका र जिल्ला तहको अधिवेशन नगरी कार्तिकतिर सीधै महाधिवेशन गर्छ । देउवाले गरेको निर्णय प्रजातान्त्रिक नै हुन्छ । निरंकुश कस्ले भन्दो रहेछ ? हामी पनि हेरौं त ।' 

कांग्रेमा महाधिवेशनको पूर्वनिर्धारित कार्यतालिका प्रभावित भइसकेको छ । साउन १२ मा हुनुपर्ने वडा अधिवेशन अझै अनिश्चित छ । क्रियाशील सदस्यताको विवादमा अल्झिएको कांग्रेसले तोकिएको समयमा महाधिवेशन गर्न नसक्ने निश्चित भइसकेको छ ।

उनले २० दिन अघि पनि यस्तै टिप्पणी गरेका थिए ।  

त्यतिबेला उनले लेखेका थिए- 'कांग्रेसमा कोभिड अवधिलाई जिरो समय मानेर डेढवर्ष म्याद थपी माग्न अदालतमा निवेदन हाल्ने सल्लाह हुन थाल्यो रे भन्छन।त्यसपछि हुने आम र स्थानीय चुवाबमा जादा झगडा हुदैन रे देउवा पनि सभापति नबन्ने रे।सभापति पनि अदालती लालमोहोरबाटै ल्याउने पो जस्तो छ त?रामचन्द्रज्युलाई जहिल्यै सकस ।'

गाउँ सहर संवाददाता

तपाईँको मत