सेवा

कास्की प्रहरीद्वारा स्वास्थ्य परीक्षण तथा खाद्यान्न वितरण

पाेखरा । गण्डकी प्रदेश प्रहरी अस्पताल पोखरा र जिल्ला प्रहरी कार्यालय कास्की मातहत वडा प्रहरी कार्यालय बैदामको संयुक्त आयोजनामा जिल्ला कास्की पोखरा महानगरपालिका वडा नं. १७ स्थित रहेको मानव सेवा आश्रममा स्वास्थ्य परीक्षण तथा खाद्यान्न वितरण कार्यक्रम सम्पन्न गरिएको छ ।

गण्डकी प्रदेश प्रहरी अस्पताल पोखराबाट औषधी उपचार सहितको ७ जनाको चिकित्सक टोलीबाट मानव सेवा आश्रममा रहेका महिला, बालबालिका तथा वृद्धवृद्धा गरी ११३ जनाको स्वास्थ्य परीक्षण गरी अन्दाजी रु.१,००,०००।– बराबरको औषधी वितरण गरिएको र वडा प्रहरी कार्यालय बैदाममा कार्यरत प्रहरी कर्मचारीहरूबाट रकम संकलन गरी अन्दाजी रु.७७,०००।– बराबरको खाद्यान्न सामाग्री खरिद गरी उक्त मानव सेवा आश्रममा सहयोग स्वरुप वितरण गरिएको प्रहरीले जनाएकाे छ ।

गाउँ सहर संवाददाता

तपाईँको मत