अर्थतन्त्र

हरियाली भएर बन्द भयाे आर्थिक वर्षको अन्तिम दिनकाे नेप्से परिसूचक

• गाउँ सहर संवाददाता
• ३१ असार बिहीबार, २०७८ | १५:३९:०० मा प्रकाशित

काठमाडौं । आर्थिक वर्षको अन्तिम दिन नेप्से हरियाली भएर बन्द भएकाे छ । 

यस दिन नेप्से परिसूचक ११.३३ अंकले बढेको छ । 

यस दिन २२३ कम्पनीको ७३ हजार २७२ पटकको कारोबारमा ८ अर्ब १४ करोड ३६ लाख १४ हजार रुपैयाँ बराबरको ५ करोड ८५ लाख २ हजार कित्ता शेयर खरिदबिक्री भएको छ । अघिल्लो दिन बजारमा साढे ५ अर्बको शेयर कारोबार भएको थियो ।

 बैंकिङ,ट्रेडिङ,जलविद्युत्,फाइनान्स र निर्जीवन बीमा,माइक्रोफाइनान्स र म्युचुअल फण्ड समूह बढेको ।

कसले कमाए, कसले गुमाए ? ?

आर्थिक वर्षको अन्तिम दिन सबैभन्दा बढी कमाउने लगानीकर्तामा रसुवागढी जलविद्युत् आयोजनाका लगानीकर्ता रहेका छन् । मेरो माइक्रोफाइनान्सका लगानीकर्ताले सबैभन्दा बढी गुमाएका छन् । सबैभन्दा बढी गोर्खा फाइनान्सको ३६ करोड रुपैयाँको कारोबार भएको छ ।

कारोबार रकमका आधारमा यस दिन गोर्खाज फाइनान्स शीर्ष स्थानमा रहेको छ। सो कम्पनीको यस दिन ३६ करोड ६१ लाख रुपैयाँ बराबरको शेयर खरिदबिक्री भएको छ। त्यसैगरी, यस दिन एनआईसी एशियाको ३३ करोडभन्दा बढीको शेयर किनबेच भएको छ।

यस दिन कारोबारमा आएका १३ उपसमूहमध्ये ७ उपसमूहको परिसूचक बढेको छ भने बाँकी ६ उपसमूहको परिसूचक घटेको छ। यस दिन जलविद्युत उपसमूहको परिसूचक सर्वाधिक १.९८ प्रतिशत बढेको छ । यस्तै वित्त उपसमूहको परिसूचक पनि १.९५ प्रतिशत बढेको छ।

त्यसैगरी, यस दिन होटल तथा पर्यटन उपसमूहको परिसूचक सर्वाधिक १.४ प्रतिशत घटेको छ।

बिहीबारदेखि सकिएको चालु आर्थिक वर्षमा नेप्सेमा भने रेकर्ड ने रेकर्ड बनेको छ । कारोबार नै साढे १९ अर्बसम्म भयो भने सेयर बजारमा कारोबार गर्ने लगानीकर्ता समेत थपिए ।