स्वास्थ्य

कोरोना संक्रमितमध्ये ५९९ सघनमा र १७२ जनाको भेन्टिलेटरमा उपचार हुँदै, थप १८ जनाको मृत्यु, संक्रमित औषत दर २४.८ प्रतिशत

काठमाडौँ । नेपालमा कोरोनाबाट अहिलेसम्म ९ हजार ४३० को मृत्यु भएको छ । यस्तै कुल संक्रमित ७ लाख ६ हजार ६१ पुगेका छन् भने निको हुने ६ लाख २४ हजार ७११ छन् ।

पछिल्लो २४ घण्टामा १८ जना कोरोना संक्रमितको मृत्यु भएको छ । 

अहिलेसम्मका संक्रमितमध्ये ५९९ सघनमा र १७२ जनाको भेन्टिलेटरमा उपचार भइरहेको मन्त्रालयले जनाएको छ ।

पछिल्लो २४ घण्टामा १३ हजार २४ को परीक्षण हुँदा २ हजार ९०५ संक्रमित थपिएका छन् । यसमा काठमाडौँ उपत्यकामा मात्र ४२५ जना नयाँ संक्रमित थपिएका हुन् । मन्त्रालयका अनुसार पछिल्लो समय सक्रिय संक्रमित बढेका स्थानहरुमा सुर्खेत, कैलाली, झापा, मोरङ्ग, सुनसरी, पर्सा, महोत्तरी, दाङ्ग र रुपन्देही छन् ।

मन्त्रालयका अनुसार निको हुनेको संख्या १ हजार ६०६ छ । 

आजसम्म ३४ लाख ३८ हजार ३३० जनाको पिसिआर टेस्ट भएको छ भने एन्टिजेन विधिबाट २ लाख ४७ हजार ५४२ को टेस्ट भएको छ । देशभरका क्वारेन्टाइनमा रहनेको संख्या २९३ र होम आइसोलेशनमा रहेको संख्या २४ हजार ९९ छ भने संस्थागत आइसोलेशनमा रहेको संख्या २ हजार ५४८ छ । देशमा सक्रिय संक्रमितको संख्या २६ हजार ६४७ रहेको छ । 

अहिलेसम्म दोस्रो मात्राको खोप प्राप्त गर्नेको संख्या ११ लाख ८ हजार ८६८ पुगेको मन्त्रालयले जनाएको छ ।

गाउँ सहर संवाददाता