खेल

कोपा अमेरिका फुटबलमा कोलम्बिया तेस्रो

काठमाडाैं । कोपा अमेरिका फुटबलमा कोलम्बिया तेस्रो बनेको छ ।

शनिबार बिहान पेरुलाई ३–२ गोल अन्तरले हराउँदै कोलम्बिया तेस्रो बनेको हो ।

एक गोलले पछि रहेको स्थिति उल्टाउँदै कोलम्बिया तेस्रो भएको हो ।

शनिबार बिहान भएको खेलको ४५औँ मिनेटमा गोल गर्दै योसिमार योतनले पेरुलाई अग्रता दिलाएका थिए ।

तर, दोस्रो हाफको सुरुमै कोलम्बियाले बराबरी गोल फर्कायो । ४९औँ मिनेटमा कोलम्बियाका जुआन कोर्डार्डोले बराबरी गोल फर्काए ।

६६औँ मिनेटमा कोलम्बियाका लुइस डियाजले गोल गर्दै खेल २-१ को स्थितिमा पुर्‍याए । तर ८२औँ मिनेटमा पेरुका जियानलुका लापाडुलाले गोल गर्दै खेल २-२ को बराबरीमा ल्याए ।

तर, थप गरिएको समयको चौथो मिनेटमा लुइस डियाजले गोल गरेपछि खेल ३-२ ले कोलम्बियाको पक्षमा पुग्यो ।

कोपा अमेरिकाको उपाधिका लागि भने आइतबार ब्राजिल र अर्जेन्टिनाबीच खेल हुने छ ।

गाउँ सहर संवाददाता

तपाईँको मत