स्वास्थ्य

कोरोनाबाट अहिलेसम्म ९ हजार ३२० जनाको मृत्यु, कुल संक्रमित ६ लाख ५१ हजार ३८० पुगे, ६ लाख १५ हजार ६१३ जना निको भए

काठमाडौँ । नेपालमा कोरोनाबाट अहिलेसम्म ९ हजार ३२० को मृत्यु भएको छ । यस्तै कुल संक्रमित ६ लाख ५१ हजार ३८० पुगेका छन् भने निको हुने ६ लाख १५ हजार ६१३ छन् ।

पछिल्लो २४ घण्टामा २९ जना कोरोना संक्रमितको मृत्यु भएको छ ।

पछिल्लो २४ घण्टामा १० हजार ५०४ को परीक्षण हुँदा १ हजार ८७५ संक्रमित थपिएका छन् । संक्रमितमध्ये ५७२ जनाको आइसियूमा र १९७ जनाको भेन्टिलेटरमा उपचार भइरहेको मन्त्रालयले जनाएको छ । मन्त्रालयका अनुसार निको हुनेको संख्या १ हजार २८६ छ । निको हुनेको प्रतिशत ९४.५ रहेको छ ।

आजसम्म ३३ लाख ९६ हजार ७५३ जनाको पिसिआर टेस्ट भएको छ भने एन्टिजेन विधिबाट २ लाख २२ हजार ३८० को टेस्ट भएको छ । देशभरका क्वारेन्टाइनमा रहनेको संख्या ३०० र होम आइसोलेशनमा रहेको संख्या २३ हजार ६९२ छ भने संस्थागत आइसोलेशनमा रहेको संख्या २ हजार ७५५ छ । देशमा सक्रिय संक्रमितको संख्या २६ हजार ४४७ रहेको छ ।

अहिलेसम्म दोस्रो मात्राको खोप प्राप्त गर्नेको संख्या ९ लाख ३३ हजार ८६८ पुगेको मन्त्रालयले जनाएको छ ।

गाउँ सहर संवाददाता

तपाईँको मत