राजनीति

एमालेकाे नाैटंकी बिहीबारसम्म टुंगिने दाबी

काठमाडौँ । नेकपा एमालेकाे विगत केहि समयदेखिकाे नाैटंकीले भाेलि अर्थात बिहीबार सकिने दाबी एमाले नेताहरूले गरेका छन् ।

एमालेका प्रवक्ता प्रदीप ज्ञवालीले भोलिसम्म पार्टी एकतामा देखिएका अवरोधहरु हट्ने दाबी गरेसँगै दुइकाे नाैटंकीले समाधान पाउने भएकाे हाे ।

बुधबार सिंहदरबारमा नेता ज्ञवालीसहित बसेको विवाद समाधान कार्यदलको बैठक सकिएपछि प्रतिक्रिया दिनेक्रममा उनले त्यस्तो दाबी गरेका हुन् ।

उनले पछिल्ला तीन दिनका कार्यदल बैठकहरु सकारात्मकउन्मुख रहेको र भोलिसम्म एकता टुंगिने दाबी गरेका हुन् ।

उनले भने,‘ आजका लागि बैठक सकिएको छ । हामी एकताको अन्तिम चरणमा छौँ । भोलिसम्म टुंगो लाग्नेमा हामी विश्वस्त छौँ ।’

बैठकमा अध्यक्ष एवं प्रधानमन्त्री केपी शर्मा ओली र बिद्रोही नेता माधवकुमार नेपाल पक्षका ५/५ जना कार्यदलका सदस्यहरु सामेल थिए ।

बैठक हिजो र अस्ति पनि बसेको थियो ।

गाउँ सहर संवाददाता

तपाईँको मत