स्वास्थ्य

काेराेनाबाट थप ३३ जनाकाे मृत्यु, निकाे हुने प्रतिशत ९३.७

काठमाडौँ । नेपालमा कोरोनाभाइरसको सक्रिय संक्रमितको संख्या घट्दै गएको छ । दैनिक मृतकको संख्या घटेको छ । तर केहि दिनको तुलनामा संक्रमितको संख्या बढेको छ ।

कोरोनाभाइरसको कारण नेपालमा पछिल्लो २४ घण्टामा ३३ जनाको मृत्यु भएको छ । यो सहित कुल मृतकको संख्या ९ हजार १४५ पुगेको छ । 

यो मृत्यु नेपाली सेनाद्वारा विभिन्न मितिमा शव व्यवस्थापन गरेका समेत हुन् । 

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा दुबै विधिबाट १० हजार ९८५ को परीक्षण गरिएकोमा २ हजार ७६० नयाँ संक्रमित थपिएका छन् । योसहित कुल संक्रमितको संख्या ६ लाख ४० हजार ६६२ पुगेको छ । नयाँ संक्रमितमा ६०.६६ प्रतिशत पुरूष र ३९.३४ महिला छन् । 

मन्त्रालयका अनुसार पछिल्लो २४ घण्टामा ४ हजार १७ जना निको भएका छन् । योसहित कुल निको हुनेको संख्या ६ लाख १४९ पुगेको छ । निको हुनेको प्रतिशत ९३.७ छ ।

मन्त्रालयका अनुसार देशभरका अस्पतालहरुमा ६२९ को आइसियूमा र १८१ जनाको भेन्टिलेटरमा उपचार भइरहेको छ । उसका अनुसार देशमा कोरोनाका सक्रिय संक्रमितको संख्या ३१ हजार ३६८ छ । अहिले होम आइसोलेशनमा रहनेको संख्या २८ हजार ३७४ र संस्थागत आइसोलेशनमा रहनेको संख्या २ हजार ९९४ छ । क्वारेन्टाइनमा रहेनेको संख्या ३४५ छ ।

पछिल्लो २४ घण्टाको तथ्याँकले पनि २० वर्षदेखि ६० वर्ष समूहमा सबैभन्दा बढी संक्रमण देखिएको छ । 

मन्त्रालयका अनुसार दोस्रो खोपको मात्रा लगाउनेको संख्या ७ लाख ५६ हजार ६०२ रहेको छ ।
 

गाउँ सहर संवाददाता

तपाईँको मत