गाउँ सहर

रामेछापका निवर्तमान सांसद श्रेष्ठमाथि ‘कमिसन’ लिएकाे आरोप, उनी भन्छन्- ‘कल्पना पनि गर्न नसकिने कुरा’

रामेछाप । रामेछापका निवर्तमान सांसद (प्रतिनिधिसभा सदस्य) श्यामकुमार श्रेष्ठले जिल्लाकाे एक विद्यालयको घेरबारका लागि विनियोजन गरिएको रकममा कमिसन लिएको तथ्य बाहिरिएको छ ।

रामेछाप नगरपालिका वडा नम्बर- ४, स्थित रेणुकादेवी माध्यमिक विद्यालयको घेरबारका लागि विनियोजन गरिएको ४० लाख रुपैयाँमध्ये सांसद श्रेष्ठले २२ लाख रुपैयाँ कमिसन लिएकाे विद्यालय व्यवस्थापन समितिले आरोप लगाएको छ ।

नेकपा माओवादी केन्द्र रामेछापका इन्चार्ज समेत रहेका श्रेष्ठले भने उक्त कुराकाे प्रतिराेध गरेका छन् । उनले बुधबार प्रेस बक्तव्य जारी गर्दै आफ्नो चरित्र हत्या गर्न गलत हल्ला चलाइएको बताएका छन् । उनले जिल्लाको लागिको विकासको लागि सक्दो प्रयास गरिरहेको बताउँदै आफ्नो चरित्र हत्या गर्ने गरी हल्ला फैलाइएको दाबी गरेका छन् । 

आफूले कुनै पनि योजनाबाट कमिसन वापतको रकम नलिएको र यस्तो कुरा कल्पना पनि गर्न नसकिने उल्लेख गर्दै भनेका छन्-"यस प्रकारकाे अनियमितताकाे कार्य गर्नु त के कल्पनासमेत गर्न नसकिने कुरा प्रष्ट गर्न चाहन्छु । १३ वर्षको उमेरदेखि राजनीतिक कार्यक्रर्ताको रुपमा आवद्ध हुँदै भ्रष्टाचार शून्य सहनशीलताको जागरण गर्दै हिँडिरहेको अवस्थामा नेकपा माओवादी मूल नेतृत्व सम्हाली रहेको अवस्थामा राजनीतिक आग्रह र पूर्वाग्रहप्रति उत्प्रेरित नहुन सबैमा आग्रह गर्दछु" विज्ञप्तीमा भनिएको छ ।

यस्ताे थियाे जनता टेलिभिजनमा प्रसारित भिडिओ समाचार (स्राेत -जनता टेलिभिजन)

यस्ताे छ श्रेष्ठले खण्डन गरेकाे बक्तव्य

गाउँ सहर संवाददाता

तपाईँको मत