अर्थतन्त्र

सुन प्रतितोला ७०० रुपैयाँले घट्याे

काठमाडाैं । साताको दोस्रो दिन अर्थात सोमबार पनि नेपाली बजारमा सुनचाँदी दुबैको मूल्य घटेको छ ।

नेपाल सुनचाँदी व्यवसायी महासंघका अनुसार आइतबारको तुलनामा सोमबार सुन प्रतितोला ७०० रुपैयाँ र चाँदी ५ रुपैयाँले घटेको हो ।

महासंघका अनुसार सोमबारका लागि छापावाला सुनको भाउ तोलाको ९३ हजार २०० रुपैयाँ, तेजावी ९२ हजार ७०० रुपैयाँ र चाादीको भाउ १ हजार ३६५ रुपैयाँ कायम गरिएको छ ।

आइतबार छापावाला सुन प्रतितोला ९३ हजार ९०० रुपैयाँ, तेजावी ९३ हजार ४०० रुपैयाँ र चाँदी तोलाको १ हजार ३७० रुपैयाँमा कारोबार भएको थियो ।

आइतबार प्रतितोला ६०० रुपैयाँले घटेको सुनको मूल्य सोमबार थप घटेको हो ।

गाउँ सहर संवाददाता