स्वास्थ्य

काेराेनाभाइरसबाट थप ६१ जनाकाे मृत्यु, निको हुने दर ८६.९ प्रतिशत

• गाउँ सहर संवाददाता
• २९ जेठ शनिबार, २०७८ | १६:४७:०० मा प्रकाशित

काठमाडाैँ । नेपालमा गत २४ घण्टामा काेराेनाभाइरसबाट मृत्यु हुनेकाे संख्या ६१ रहेको छ । याेसहित कुल मृतककाे संख्या ८३६६ पुगेकाे छ ।

स्वास्थ्य तथा जनसङ्ख्या मन्त्रालयका अनुसार साेहि अवधिमा ३३८४ कोरोनाभाइरसका सङ्क्रमितहरू थपिएका छन् । याेसहित कुल संक्रमितकाे संख्या ६०६७७८ पुगेकाे छ । सोही अवधिमा ६२९५ जना सङ्क्रमण मुक्त भएका छन् । याेसहित कुल निकाे हुनेकाे संख्या ५२७१११ पुगेकाे छ । 

मन्त्रालयले उपलब्ध गराएको तथ्याङ्क अनुसार गत २४ घण्टामा कुल १४४९४ जनाको परीक्षण गरिएको थियो । ती मध्ये ८५०६ जनाको पीसीआर र ५९८८ जनाको एन्टिजेन विधिबाट परीक्षण गरिएको थियो ।

पछिल्लो समय कोभिड हुनेहरूमध्ये सबभन्दा धेरै उमेर समूह २१ देखि ४० वर्षको रहेको स्वास्थ्य मन्त्रालयको तथ्याङ्कले देखाएको छ ।

नेपालमा निको हुने दर ८६.९ प्रतिशत छ भने मृत्यु दर १.६ प्रतिशत रहेको छ ।

त्यसैगरी कुल सङ्क्रमितमध्ये महिला ४० प्रतिशत जति र पुरुष ६० प्रतिशतजति रहेका छन् ।

हाल आइसीयूमा रहेका विरामीको सङ्ख्या ११८९ रहेको छ भने भेन्टिलेटरमा ३६६ जना रहेको मन्त्रालयको तथ्याङ्क छ ।