गाउँ सहर

बुटवल मुस्लिम युवा संयोजक अब्दुल राज्यकको नेतृत्वमा लकडाउनमा असहायहरूलाई राहत वितरण 

• गाउँ सहर संवाददाता
• २६ जेठ बुधबार, २०७८ | १५:१२:०० मा प्रकाशित

रूपन्देही । रूपन्देही बुटबल उपमहानगरपालिका भित्र गत साल कोरोना भाईरसको माहामारीका कारण बन्दाबन्दी भएको अवस्थामा माहामारीका कारण कोही असहाय, अशक्त र गरिबहरू भोकभोकै मर्न नपरोस भन्ने भावनाका साथ गतसाल बाट सुरू गरिएको राहत सामाग्री वितरणले यसपटकपनि निरन्तरता पाएकाे छ । 

गत सालको माहामारी र बन्दाबन्दीको अवस्थामा २११ गरिब, असक्त, असाहयका घरपरिवारलाई  १ महिना सम्म पुग्ने गरि १ बोरा चामल, दाल, चिनि, सोयाविन तेल र भुजा लगायत राहत सामाग्री वितरण गरिएको थियो भन्छन् उक्त मुस्लिम समाजका युवा संयोजक अब्दुल राज्यकक ।

बुटवल मुस्लिम समाजका युवा संयोजक राज्यकका भनाई अनुसार उनको नेतृत्वमा बिगतको लकडाउनमा जस्तै यसपालीको लकडाउनमा पनि उक्त राहत वितरण कार्यक्रमलाई निरन्तरता दिईरहेको उनी बताउँछन् । यसपालीको बन्दाबन्दीमा दैनिक १२० देखि १५० खानाको प्याकेट वितरण गर्दै आएका छन् ।

यो राहत वितरण कार्यक्रम बुटवल उपमहानगरपालिका भित्रका गरिब, असहाय र असक्तहरूका लागि बन्दाबन्दीको समयसम्म संचालन गर्ने बताएका छन् । यस राहत वितरण कार्यक्रमलाई सुव्यवस्थित तरिकाले संचालन गर्नका लागि मुस्लिम समाज बुटवल तथा  विभिन्न व्यक्ति विशेषको आर्थिक तथा भौतिक सहयोग रहेको कुरा उनले बताएका छन् ।