अर्थतन्त्र

निरन्तर उकालाे यात्रामा शेयरबजार, लगानीकर्तामा उच्च मनाेबल

काठमाडौं । मंगलबारको नेप्से परिसूचक ५३.४४ अंकले बढेर हालसम्मकै उच्च अंक २९६०.१४ अंकमा पुगेको छ ।

लगातार बढिरहेको बजारमा मंगलबार विकास बैंक र फाइनान्स कम्पनीको लगानीकर्ता मालामाल भएका छन् । यो दिन ३ करोड ५७ लाख ४२४ कित्ता सेयर १६ अर्ब ९५ करोड १३ लाख २० हजार ६४० रुपैयाँमा कारोबार भएको छ ।

यो दिन १५१ वटा कम्पनीको सेयर मूल्इ बढेको छ भने ५८ वटा कम्पनीको सेयर मूल्य घटेको छ । साथै ९ वटा कम्पनीको सेयर मूल्य स्थिर छ ।

यो दिन तीन दर्जन कम्पनीका सेयरमा सकारात्मक सर्कट लागेको छ । हिमालयन जनरल इन्स्योरेन्स, गोर्खाज फाइनान्स, श्री इन्भेष्टमेन्ट फाइनान्स, जानकी फाइनान्स सांग्रिला डेभलपमेन्ट, मुक्तिनाथ विकास बैंक, ग्रीन डेभलपमेन्ट बैंकको सेयरमा १० प्रतिशतको सकारात्मक सर्किट देखिएको छ ।

कारोबारको आधारमा आज सबैभन्दा बढी कारोबार नेपाल रि–इन्स्योरेन्स कम्पनी भएको छ । यसको एक अर्ब ६ करोड २३ लाख १२ हजारको कोरोबार भएको छ । 

त्यसैगरी ज्योति विकास बैंक, कर्णाली डेभलपमेन्ट बैंक। प्रोग्रेसिभ फाइनान्स , मल्टिप्रपोज फाइनान्स, गुहेश्वरी फाइनान्स, गुडविल फाइनान्स, महालक्ष्मी विकास बैंक, मञ्जुश्री फाइनान्सलगायतका कम्पनीको सेयरमा पनि सकारात्मक सर्किट लागेको छ ।

त्यसैगरी मेरो माइक्रोफाइनान्स, हिमाल दोखला हाइड्रोपावर कम्पनी, सामूदायिक लघुवित्त वित्तीय संस्थाको सेयर मूल्यमा गिरावट देखिएको छ ।

शेयरबजार निरन्तर उकालाे लाग्नुमा लकडाउनका कारण अन्य क्षेत्रको लगानी पूँजीबजारमा भित्रिएकोले बजार बढीरहेको विश्लेषण पनि लगानीकर्ताहरुले गरिरहेका छन् ।

 

गाउँ सहर संवाददाता

तपाईँको मत