स्वास्थ्य

कोरोनाभाइरसको सक्रिय संक्रमितको संख्या ८९ हजार २१७, थप ९९ जनाको मृत्यु, निको हुने दर ८३.५ प्रतिशत

काठमाडौँ । कोरोनाभाइरसको कारण नेपालमा पछिल्लो २४ घण्टामा ९९ जनाको मृत्यु भएको छ । योसहित कुल मृतकको संख्या ७ हजार ८९८ पुगेको छ । 

यो मृत्यु नेपाली सेनाद्वारा विभिन्न मितिमा शव व्यवस्थापन गरेका समेत हुन् । 

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा दुबै विधिबाट १३ हजार ७३३ को परीक्षण गरिएकोमा ३ हजार ४७९ नयाँ संक्रमित थपिएका छन् । योसहित कुल संक्रमितको संख्या ६ लाख १९३ पुगेको छ ।

नेपालमा सरदर २८.९ प्रतिशत सङ्क्रमण दर रहेको छ ।

काठमाडाैँ उपत्यकामा मात्र पछिल्लाे २४ घण्टामा १ हजार १३१ नयाँ संक्रमित थपिएका छन् ।

मन्त्रालयका अनुसार पछिल्लो २४ घण्टामा ८ हजार ६ हजार ६३६ जना निको भएका छन् । योसहित कुल निको हुनेको संख्या ४ लाख ९१ हजार ९ पुगेको छ । निको हुने दर ८३.५ प्रतिशत रहेको छ । 

मन्त्रालयका अनुसार अहिले देशभरमा ८९ हजार २१७ सक्रिय संक्रमित रहेका छन् । मन्त्रालयका अनुसार देशभरका अस्पतालहरुमा १ हजार ४४२ को आइसियूमा र ३८१ जनाको भेन्टिलेटरमा उपचार भइरहेको छ । उसका अनुसार अहिले होम आइसोलेशनमा रहनेको संख्या ८२ हजार ७०३ र संस्थागत आइसोलेशनमा रहनेको संख्या ६ हजार ५१४ छ ।

पछिल्लो समय कोरोना कहर बढ्दै जाँदा कोरोनाको चेन ब्रेक गर्न धेरै स्थानहरुमा कडा निषेधाज्ञा जारी गरिएको छ भने काठमाडौँ उपत्यकामा केहि खुकुलो गरिएको छ ।

पछिल्लो २४ घण्टाको तथ्याँकले पनि २१ वर्षदेखि ५० वर्ष समूहमा सबैभन्दा बढी संक्रमण देखिएको छ । तर पहिलेको भन्दा अवस्था सुधार हुँदै गएको मन्त्रालयको भनाइ छ ।

मन्त्रालयका अनुसा ४७ जिल्लाहरू ५०० भन्दा बढी संक्रमित रहेका जिल्लाहरू छन् जहाँ थप निषेघाज्ञाकाे आवश्यकता छ ।

गाउँ सहर संवाददाता

तपाईँको मत